Смирувањето на бебето ќе биде потребно секојдневно, но не грижете се – тоа не значи дека правите нешто погрешно ниту дека сте лош родител. Нормално е бебето да плаче, исто како што е нормално и вие да се чувствувате фрустрирано кога не престанува. Нормално е да се чувствувате преморено, беспомошно, па дури и луто поради постојаните барања на бебето. Без разлика на тоа колку лошо се чувствувате или колку сте уморни и фрустрирани, никогаш не е решение да го тресете бебето или грубо да го спуштите. Наместо тоа, смирете се и себе и вашето бебе.
Плачењето е начин на кој бебињата комуницираат. Иако е тешко да се разликуваат видовите плачење кај новороденче, како што расте бебето, родителите понекогаш можат да препознаат кога плачењето значи „гладен сум“, а кога „уморен сум“.
Зошто бебињата се немирни?
Бебињата најчесто се немирни бидејќи се уморни, гладни, фрустрирани, чувствуваат неудобност или се осамени и имаат потреба од внимание. Понекогаш плачот и немирот лесно можат да се смират со храна или промена на пелената.
Плачењето понекогаш е мистерија и може да престане исто толку брзо колку што започнало. Вашето бебе не е лутo на вас, едноставно плаче – и понекогаш за тоа нема причина
Секогаш одговорете на плачот на вашето бебе. Не можете да го размазите бебето така што ќе го подигнете додека плаче. Држењето е охрабрувачко и утешително кога бебето не може на друг начин да се изрази.
Иако бебињата плачат за да комуницираат, тој плач може да трае долго без видлива причина. Плачењето понекогаш е мистерија и може да престане исто толку брзо колку што започнало. Вашето бебе не е лутo на вас, едноставно плаче – и понекогаш за тоа нема причина.
Без разлика на тоа колку лошо се чувствувате или колку сте уморни и фрустрирани, никогаш не е решение да го тресете бебето или грубо да го спуштите. Наместо тоа, смирете се и себе и вашето бебе
Совети за смирување на бебе кое плаче:
- Нежно нишајте го бебето, држете го блиску или шетајте со него.
- Станете, држете го бебето блиску и неколку пати свиткајте му ги коленцата.
- Пејте или зборувајте му на бебето со смирувачки глас.
- Нежно масирајте го грбот, градите или стомачето на бебето.
- Понудете му цуцла или обидете се да го одвлечете вниманието со тропалче или играчка.
- Завиткајте го бебето во меко ќебенце.
- Изнесете го на прошетка во количка или на возење со автомобил.
- Вклучете музика или некој шум, како правосмукалка или сушара (бел шум).
