Колку мајчинството е тешка работа, одлучија да се одважат и научниците. Резултатот од големото истражување за тоа зошто мајките секојдневно се исцрпени и уморни е доказ дека мајчинството е како да работите на две и пол работни места на ден.
Мајчинството е како дневно да работите две и пол работи и уште се среќни со таква саатница
Иако сите знаеме дека нема слободни денови во родителството, истражувањето се занимавало со тоа колку мајките всушност работат околу своите деца. Истражувањето опфатило две илјади американски мајки на деца на возраст меѓу пет и 12 години и открило дека мајките работат во просек 98 часа неделно, или две и пол работни места дневно.
Според анкетата, просечната мајка започнува со работа околу 6:23 часот и не престанува до 8:31 часот. (иако за многу мајки тоа звучи добро затоа што работат и повеќе).
Истражувањедто покажало дека просечната мајка е среќна ако успее да одвои околу еден час и седум минути дневно за себе. Четири од 10 анкетирани мајки рекле дека се чувствуваат како да го поминуваат целиот ден извршувајќи непрекинато серија задачи.
И покрај тоа, мајките изјавиле дека користат бројни трикови кои им ја олеснуваат работата. Најпопуларните предмети се влажни марамчиња, игри и Јутуб, ТВ-емисии за деца, возење и кафе.
Иако мајчинството им го одзема речиси целото време, за многу мајки родителството е вредно за времето кое порано го поминувале трчајќи, гледајќи телевизија и слично.
Рака на срце, ова истражување воопшто не е изненадувачко за многу мајки, но вреди да се забележи бидејќи испраќа порака до остатокот од општеството: на мајките им е потребна поддршка на нивните работни места, во заедниците и во домовите.
