СОНЧАНИЦА КАЈ ДЕЦАТА: Симптоми и прва помош

Ако дојде до сончаница, важно е да се препознаат симптомите и да се превземат соодветни мерки,

Кога децата долго си играат надвор по најголемата жештина, но и кога престојуваат во загреани и непроветрени простории, може да дојде до симптоми на претоплување, оти внатрешниот “термостат“ не успева да го разлади телото.

Еве што велат педијатрите, како да препознаете сончаница и како да реагирате во тој момент.

СИМПТОМИ

Ако дојде до сончаница, важно е да се препознаат симптомите и да се превземат соодветни мерки, а најчести знаци се:

  • Главоболка
  • Вртоглавица
  • Исцрпеност
  • Мачнина
  • Повраќање
  • Загреана кожа оросена со пот, која станува ладна кога ќе се тргне од сонце
  • Забрзан пулс
  • Зголемена температура
  • Кај некои деца и тешко дишење

КАКО ДА СЕ РЕАГИРА

Ако забележите дека вашето дете има симптоми на сончаница, пред се, веднаш тргнете го од сонце. Единствен начин да му помогнете е да го  разладувате. Еве како да го направите тоа:

  • Ако е можно, влезете во просторија во која е вклучен клима уред или вентилатор, но водете сметка да не е преладно
  • Ако не пости таква можност, скријте се во дебела сенка
  • Соблечете го детето
  • Ставете го детето да легне
  • Ставете му нешто под нозете, за крвта да се врати во виталните органи – срце, бели дробови и мозок
  • Детето топете го со вода, така што ќе натопите пешкир со млака вода и со него ќе го освежувате. Додека е мокра кожата, ладете ја со ладало
  • Ставете му на детето ладни облоди на вратот, препоните и под пазувите
  • Дајте му на детето течност и некој електролит, но не наеднаш, туку по неколку голтки на секои 15 минути.