Социологот и професор Адам Галински советува што треба, а што не треба да кажуваат родителите за да воспитаат успешни и емотивно стабилни деца. Галински ја истакнува често употребувана фраза која може да има силен ефект врз самодовербата на детето.
„Една фраза што мислам дека ја користиме со мотивациска намера, а не сфаќаме колку може да биде штетна за децата е: „Ме разочара““, потенцира социологот.
Родителите обично ја користат оваа фраза за да го поправат однесувањето, но Галински предупредува дека може да има спротивен ефект будејќи кај децата предизвикува чувство на срам.
„Срамот не поттикнува решавање на проблеми, туку често води кон избегнување, додека чувството на вина може да мотивира да се подобри ситуацијата“, вели Галински.
Ако сакате децата да учат од своите грешки, немојте само да ги критикувате. Наместо „Разочаран сум што не си ја напишал/а домашната задача“, кажете им: „Како можеме да смислиме план за да ја завршиш“. Овој пристап им помага на децата да се соочат со предизвиците и да учат од неуспехот.
