Без разлика кој тип заштита користите, клучно е да се следат одредени чекори на аплицирање. Лекарите истакнуваат дека треба да се бираат препарати кои штитат и од УВА и од УВБ зрачење. Заштитниот фактор би требал да биде 30 или повеќе.
Американската академија на педијатри советува да не користите вакви препарати за бебиња кои имаат помалку од шест месеци, бидејќи може да предизвикаат реакција на кожата, како контактен дерматитис.
Наместо тоа, бебето е препорачливо да биде што повеќе во ладовина. Доколку мора да биде на сонце, најдобро е да се заштити со облека, како шешир или маичка со долги ракави, а заштитата да се аплицира единствено на изложените делови на сонце.
Кога станува збор за деца постари од шест месеци, кремата аплицирајте ја 15 минути пред излегување надвор. Според лекарите, средството за заштита повторно треба да се намачка за два часа, или по секое влегување на детето во вода.
Трудете се подеднакво да ја нанесете заштитата по изложените делови од телото, а доколку користите формула во спреј, бидете внимателни детето да не вдише од неа.
