Со вишок килограми и поголем проток на крв, на трудниците многу потешко им паѓаат горештините во текот на летните месеци. Следејќи ги овие совети, ќе се чувствувате многу попријатно, очекувајќи го своето бебе.
Метеоролозите велат дека ова ќе биде едно од најтоплите лета. Тешки нозе, отечени стапала и вртоглавица се само некои од типичните летните тегоби кај бремените жени.
Ова се некои спасоносни совети:
Пијте многу течности
Најдобар начин да го намалите отекувањето на рацете и нозете е да го зголемите внесот на течности. Штом станете, веднаш испијте две чаши вода, а во текот на денот уште два литри. Со водата, пијте и природни сокови од овошје и зеленчук, оти добро ја гасат жедтта, полни се со витамини и ја подобруваат микроциркулацијата.
Спијте доволно
Одморот е потребен секому, а особено на трудниците. Ако не успевате добро да се наспиете навечер, а тоа значи најмалку осум часа, тогаш тоа надоместете го во текот на денот.
Шетајте
Лесна прошетка се препорачува, но само во раните утрински часови и приквечер. Трудниците треба да избегнуваат изложување на сонце. Ако сте на море, не лежете на силното сонце, дури ни под чадор.
Одморајте ги нозете
Неколку пати дневно направете го следново: легнете на под, а нозете подигнете ги на ѕид. За само пет минути ќе почувствувате дека тежината во нозете исчезнува.
