“Проблем со намален апетит кај децата, пријавуваат дури 25 проценти од родителите. Вобичаено родителите се јавуваат кај педијатар бидејќи детето кое дотогаш јадело, почнува помалку да јаде. Често тоа се случува по шестиот месец од животот, кога интересот кај доенчето за храна се намалува, па детето почнува помалку да јаде, во споредба со предходниот период. Но, доколку детето е во добра општа состојба и со уреден раст на телесната маса, тоа не е загрижувачки“, смируваат педијатрите.
Доколку не станува збор за болест, педијатрите го препорачуваат следниов начин за поттикнување на апетитот кај детето:
- Почитувајте го апетитот на детето или недостатокот на апетит
- Ако детето не е гладно, не го присилувајте на оброк или ужина
- Не го наградувајте за изеден оброк
- Вклучете го детето во изборот и подготовката на храната
- Храната на детето служете му ја во мали порции
- Овозможете му на детето само да побара уште храна
- Држете се до рутината и послужувајте му оброк во приближно исто време
- Трпеливо и умерено нудете му нови намирници
- Обезбедете му на детето редовна физичка активност и престој на отворено
