Корнер Херман и Кира Рајан, советнички за успивање на децата тврдат дека секое бебе поинакво, но постојат одредени начини со кои можете да ги зголемите шансите за успивање на бебето.
РАСЧИСТЕТЕ ГО НЕРЕДОТ
За бебешка соба одредете дека тоа е соба за спиење, а не за игра. Подрачјето околу креветчето нека биде уредно, без играчки и други забавни предмети. “Било какво одвлекување на внимание од креветчето или колевката го збунува детето. Ќе се прашува дали е тоа место за спиење или игротека“, вели Херман.
ПОЧНЕТЕ ДА СЕ ОДВОЈУВАТЕ
Рајан препорачува ставање на бебето во неговата соба барем во текот на еден одмор дневно, за почеток. “На овој начин бебето ќе се навикне на својата соба, па кога е време да се преспие таму, тоа не значи промена. Дневното соло спиење му помага на бебето да се навикне на раздвоеност. Тие мали паузи се здрави и потребни. Дури и ако детето спие во својата соба“, вели Херман и препорачува одвојување на тој дел од собата со некаква преграда или нешто слично. “Ако детето се разбуди во текот на ноќта и ве види, нему ќе му биде наједноставно да се потпре на вас за да повторно заспие“.
СВЕЖ ВОЗДУХ
Бебето најдобро спие кога температурата е константна и не е превисока – помеѓу 20 и 23 степени. “Повеќето мајки ги прегрејуваат собите на бебето. Изберете локација која не е директно на удар на клима уред или парно“, вели Херман. Наглите промени на температурата ќе го вознемират детето. Преместете го креветчето подалеку од прозор за да го заштите детето од провев и надворешна бучава.
ПРИГУШЕНО СВЕТЛО
Светлото на бебето му сигнализира дека е ден, така што темницата ќе му помогне на бебето да го задржи сонот. Исфрлете ги сите светла ако е можно, а тоа вклучува и ноќно светло, оти бебето веројатно нема да се плаши од темница до 18 месеци. “На скалата од еден до пет, пет означува потполна темница, а бебешката соба треба да биде на четири“, вели Херман.
МЕТОДИ ЗА УСПИВАЊЕ
Некои бебиња сами од себе научуваат да ја преспиат цела ноќ, а на други можеби ќе им треба мал поттик. Тоа може да го научите бебето на било која возраст, но никогаш пред четвртиот месец од животот.
За некои бебиња учењето како повторно да се успијат може да значи да ги оставите да плачат неколку минути, пред да отидете до кај нив во текот на ноќта. “Бебето исто така може да има некои негативни асоцијации поврзани со спиењето, а овде станува збор за тоа вие да им помогнете да создадат нови, позитивни асоцијације“, вели Рајан. Но, треба да се нагласи дека пуштањето бебето да плаче се противи на родителскиот инстикт, а и нивното тело дури и физички реагира.
