Повеќето деца на оваа возраст се уште немаат доволно зрели мускули со кои треба да го носат сопственото тело, а наскоро треба да понесат неколку килограми книги и училишен прибор. Затоа, пред се, треба да се поведе сметка за големината и тежината на празната училишна торба. За детето да може да носи иста училишна чанта неколку години, оти инема потреба секоја година да се купува нова, добро е да биде од квалитетен, и пред се лесен материјал.
Каква чанта се препорачува?
Ранците се покажаа како добар избор, велат стручњаците, оти децата ги носат на грб, што секако се препорачува поради растоварување на ‘рбетниот столб. Во прво одделение децата тргнуваат со 18, 25, но и со 44 килограми, па е важено детето пред купување да го проба на себе ранецот. Не треба да се купува поголем ранец. Дното на ранецот не смее да оди под половината, а врвот мора да биде под линијата на рамената.
Стручњаците пресметале дека дозволената тежина што детето смее да ја носи е 10-15% од неговата телесна тежина. Тоа значи дека дете кое има 20кг не смее да носи училишна торба која има над 2-3 килограми.
На страната на ранецот која доаѓа до грбот треба да постои двојна подлога, засилување, а ремените треба да бидат широки и меки да не влијаат на рамената. Најдобро е да постои и ремен кој се затвора околу половината, и така да се добие уште една точка на потпирање.
