Најизразен нагон во првите месеци од животот на бебето е неговата потреба за цицање. Кога на новороденчете со прст ќе му ги допрете усните, тоа веднаш ќе ги испакне. Како децата растат, така овој нагон постепено се губи.
До втората и третата година од животот доминанта е т.н. орална фаза на развој – сите задоволства се врзани за усната шуплина: уживање во храната, шишенцето, цуцлата, цицањето прст. Кај некои деца оралната фаза е поизразена и трае подолго, а кај некој поминува речиси незаблежливо.
Одвлекување внимание
Родителите всушност прават многу поголема паника околу продолжената употреба на цуцла, отколку што овој феномен претставува вистински проблем. Не постои дете на 7 години кое се успива со цуцла, како што ретко кое дете на 5 години пие млеко од шише. Доколку оваа детска потреба и навика се прекине на груб начин (со нагло отфрлање на шишенцето или цуцлата, мачкање на цуцлата со лута пиперка…), бидејќи е незадоволена, може негативно да се одрази во некој друг сегмент на развојот. Не е добро ниту кога родителите постојано го критикуваат детето и на тој начин се обидуваат да го одвикнат од шишенце или цуцла. Така уште повеќе ја зацврстуваат оваа навика бидејќи детето станува свесно дека со цуцлата привлекува внимание.
Вербална пофалба
Нема дете кое не се одвикнало од цуцла! Родителите треба да бидаат трпеливи и да почекаат оваа фаза да помине. Ќе видите како оваа нагла одлука на вашето дете ќе ве изненади да се откаже од своите шишенца или цуцли. Кога оралната фаза со природниот развој ќе биде надмината, ќе помине и потребата за цуцла. Родителите треба да ја користат секоја прилика детето без никакви негативни коментари кои се однесуваат на шишенцето да му нудат чаша за пијалок. Оваа активност треба да биде проследена и со вербална пофалба.
Постепено одвикнување
Било кое одвикнување како што знаете од сопственото животно искуство мора да биде постепено, без нагли потези. Затоа бидете трпеливи и не обрнувајте внимание на останатите деца кои од овие бебешки реквизити оддамна се одвоиле, бидејќи и вашето малечко тоа самоиницијативно ќе го направи, само дајте му доволно време.
