На децата и адолесцентите им се потребни најмалку девет часа сон секоја ноќ. Проблемите со спиењето и недоволниот сон можат негативно да влијаат врз успехот на децата на училиште, во воннаставните активности и во социјалните односи.
Недостатокот на сон може да предизвика:
- несреќи и повреди,
- проблеми во однесувањето,
- импулсивно однесување,
- промени во расположението,
- проблеми со меморијата, концентрацијата и учењето,
- намалена успешност,
- побавни реакции,
- прејадување.
Знаци на проблеми со спиењето кај децата
Обратете се кај педијатар доколку вашето дете покажува некој од следниве знаци:
- ’рчење,
- паузи во дишењето за време на спиењето,
- тешкотии при заспивање,
- често будење во текот на ноќта,
- тешкотии да остане будно преку ден,
- необјасниво намалување на дневната исполнителност,
- невообичаени појави за време на спиењето, како одење во сон или кошмари,
- крцкање со заби,
- ноќно мокрење,
- немирен сон,
- тешкотии при будење наутро.
За време на заспивањето не треба да има вклучен телевизор, компјутер, мобилен телефон, радио или музика. Телевизорот и видеоигрите треба да се исклучат најмалку еден час пред легнување
Совети за подобрување на сонот кај децата
- Одредете редовно време за легнување секоја вечер и придржувајте се до него. Не охрабрувајте долго спиење за време на викендите. Времето на будење не треба да се разликува повеќе од 1 до 1,5 часа.
- Создадете релаксирачка рутина пред спиење, како топла бања или читање приказна.
- Не им давајте на децата храна или пијалаци со кофеин најмалку 6 часа пред спиење.
- Осигурете се дека температурата во спалната соба е пријатна и просторијата е затемнета.
- Внимавајте нивото на бучава во домот да биде ниско.
- Избегнувајте обилни оброци непосредно пред спиење.
- Активностите по вечерата нека бидат смирувачки, бидејќи премногу активност пред спиење може да го расони детето.
- За време на заспивањето не треба да има вклучен телевизор, компјутер, мобилен телефон, радио или музика. Телевизорот и видеоигрите треба да се исклучат најмалку еден час пред легнување.
- Доенчињата и децата ставајте ги во кревет кога ќе покажат знаци на замор, но додека сè уште се будни (а не заспани во прегратки или во друга просторија). Избегнувајте легнување заедно со детето за да заспие.
- Разговарајте со здравствениот работник на вашето дете доколку овие совети не помагаат или ако ви е потребно дополнително насочување. (WebMD)
