Една од непријатните појави во бременоста се мачнините и повраќањето. Тие, за жал се составен дел од бременота кај многу жени, поради што жените не се согласуваат дека бременоста е блажена состојба. Добро е што кај многу жени оваа состојба може да се избегне.
Како да ги спречите утринските мачнини?
Зошто доаѓа до утрински мачнини? Многу стручњаци дошле до заклучок дека тоа е последица од зголеменото ниво на трудничките хормони и естрогенот. Една од улогите во појавата на мачнина има и хормонот на штитната жлезда или тироксинот. Последните истражувања покажале дека повеќе од 70% од жените искусуваат непријатни мачнини, од кои речиси половина ќе ги почувствуваат секој ден, или ќе имаат гадење од одредена храна. Присутна е и нетолеранција на одредени мирис. Можно е дека за време на бременоста некои жени ќе одбиваат да консумираат месо, бидејќи едноставно не им одговара.
Иако може да се појават во било кое време од денот, во повеќето случаи мачнините и повраќањето се случуваат наутро. Трудниците може да имаат вртоглавица, слабост и слични проблеми. Би било добро кога би можеле да ги ублажат некои од симптомите и да уживаат во бременоста.
Бременоста претставува посебен период во животот на секоја идна мајка за време на кој телото поминува низ разни промени. За бременоста да помине во најдобар ред, секоја трудница би требало да знае кои се најдобри совети за бременоста.Исто така е важно да знае која е најдобра храна за бремената жена, благодарение на која и таа и бебето ќе добијат се што е потребно.
Ова се неколку информации како може да си помогнете да поминете низ бременоста со што помалку тегоби и компликации. Утринските тегоби може да ги избегнете или да ги ублажите ако се посветите на здрава и балансирана исхрана. Токму таа е потребна за вашето тело и бебето да добијат се што им треба.
Важно е да јадете лесна и варена храна. Збогатете ја својата исхрана со полнозрнести житарки, компири, зеленчук, ориз, млеко и млечни производи. Многу трудници проблемите со утринските мачнини ги решавале така што кога ќе почувствуваат дека може да стане лошо, веднаш јаделе нешто. Јадете се што можете, а кога ќе се појават мачнини, бирајте намирници кои ќе ви ги препорача вашиот доктор. Непријатното чувство во желудникот трае до 14. или 16. недела од бременоста, но тоа не е исто кај секоја трудница. Слушајте ги препораките на докторите и уживате во тие девет месеци додека бебето не се роди.
