Можеби и вас родителите не ве успивале на тој начин, па тоа не ви се чини како проблем, но постојат неколку причини поради кои би требало да размислите на вашето дете вечерва да му отпеете некоја приспивна песна.
Во списанието Psychology of Music објавена е анкета во која само една третина од родителите изјавиле дека им пеат приспивни песни на децата помали од пет години.
Истражувањето покажало и дека околу 70 проценти од родителите кои децата ги успиваат на овој начин биле на возраст од над 45 години, што покажува дека оваа вечерна рутина е непопуларна помеѓу младите родителите, иако не е јасно зошто е тоа така. Бидејќи приспивните песни имаат своја цел. Откриено е дека им помагаат на децата, бидејќи можат да ја ублажат болката и да им ги смират отчукувањата на срцето.
“Родителите илјадници години децата ги успивале со приспивни песни. Инстиктивно знаеке дека на тој начин се опуштаат“, вели експертот за мусика Ник Пикет.
Музиката помага да се забавувате, но и да се чувствувате подобро, а истото важи и за приспивните песни.
“Музиката е важна за детскиот ментален и емоционален развој. Родителите низ музиката ја зацрвстуваат и врската со детето“, предупредува Лара Фоли, детски психолог.
