Децата се зависни од своите родители, од раѓање до полнолетство. Родителите се тие кои им пружаат сигурност, засолниште, љубов и дисциплина. Ставовите и однесувањето на детето се формираат од зборовите што родителите ги користат при воспитувањето. Ако родителот на детето му покаже љубов, самодисциплина, дарежливост и желба за комуникација, голема е веројатноста дека ќе пораснет исто такво дете.
- Љубов
Родителите можат да ја покажат љубовта кон своите деца на многу различни начини. Според мислењето на експертите, децата можат да препознаат три различни типови на родителска љубов: нежност, љубов изразена со зборови и љубов изразена со дела. Секое дете може да има својот омилен вид на љубов.
Откако родителите ќе откријат која е таа, може да станат уште поспособни во нејзиното пренесување на децата. На некои деца треба да им се каже дека се сакани. Други деца копнеат за прегратки и бакнежи, додека некои деца воопшто не ги сакаат. Овие деца можеби претпочитаат убави гестови и пофалби. Во секој случај, ако реагирате на нивните потреби онака како што тие сакаат, тоа е одличен начин да им покажете љубов.
- Самодисциплина
Кога родителите сакаат да моделираат добра навика како што миењето на забите навечер пред спиење или чистење на играчките по играњето, важно е да ги подучат децата на вештината на самодисциплина. Тоа можат да го направат со давање добар пример кој децата можат да го следат. Со извршување на задачите и секојдневните обврски кои се дел од редовната семејна рутина, родителите исто така ненаметливо им покажуваат на децата како да постигнат самодисциплина.
Децата можат да научат самодисциплина со извршување на одредени должности низ домот според нивните можности. Дополнително, со овие задачи децата ќе научат да се чувствуваат вредно и корисно, што е желба на секој родител.
- Комуникација
Разговорот со дете вклучува и зборување и слушање, размена на чувства и идеи. Кога децата зборуваат, родителите треба да им го посветат целото внимание и да се ослободат од сите работи што им го одвлекуваат вниманието. Експертите дури наведуваат дека комуникацијата е уште подобра доколку родителот се спушти на ниво на детето и воспостави контакт очи во очи.
- Благородност
Великодушноста најдобро ќе ја демонстрират дарувајќи го вашето време или ресурси на оние на кои им треба. Во овој случај, само сопствениот пример може да им покаже на децата колку е важно и вредно такво нешто.
Но, освен делата, родителите можат да помогнат да се создаде чувство на великодушност освестувајќи ги децата за тоа дека постојат луѓе на светот кои немаат сè што сакаат, дури ни некои основни работи за живот. Една од родителските вештини е да се постигне кај децата желба на некој начин сами да придонесат и да сакаат да им помагаат на другите, создавајќи им можности да го сторат тоа.
