Коронавирусот од појавувањето во Кина, кон крајот на 2019. до денес усмрти над 2,65 милиони лица во светот. Вирусот мутира секои две недели, побавно отколку грипот или ХПВ, но доволно да се потребни модификации на вакцините.
Шерон Пикок, директор на британскиот институт за геномика на коронавирусот COG-UK , кој секвенционираше половина од сите геноми на овој вирус во светот, нагласува дека поради играта “мачка и глушец“ со вирусот, потребна е меѓународна соработка.
“Мора да прифатиме дека секогаш ќе ни биде потребно довакцинирање – имунитетот против коронавирусот не трае засекогаш“, вели Пикок.
“Веќе ги менуваме вакцините да се можат да се носат со еволуцијата на вирусот – се појавуваат варијанти со комбинација на поголема заразност и способност делумно да го заобиколат нашиот имунитет“, додава таа.
Пикок е уверена дека редовната довакцинација/ревакцинација, како онаа против грип, ќе биде потребна поради идните варијанти, но нагласува дека напредокот во производството на вакцината овозможува таа да се развива навреме.
COG-UK го постави самата Пикок, која е професор на Универзитетот Кембриџ, пред точно една година со помош на главниот научен советник на британската влада Патрик Валанс.
Институтот сега претставува најголема светска мрежа на знаења за генетиката на овој вирус. На локации низ Британија, секвенционирани се 346 илјади геноми, додека во светот тоа е направено на околи 709 илјади геноми.
На институтот работат стотици научници, голем дел на волонтерска основа. Процесуирани се околу 19 милиони примероци од ПЦР тестови, а секвенционирани се околу 30 илјади геноми дневно.
ТРИ ВАРИЈАНТИ
Посебно внимание добиваат три варијанти на вирусот – В.1.1.7, идентификувана во Велика Британија, бразислката Р1 и јужноафриканската В.1.351.
Пикок најмногу ја загрижува јужноафриканскиот сој бидејќи е “позаразен, но има и промени во мутацијата на генот кој се нарекува Е484К“, а која е поврзана со намален имунитет.
“Една од работите на која ме научи вирусот е дека можам секој ден да бидам целосно не во право – морам да бидам скромна во поглед на овој вирус за кој се уште знаеме многу малку, вели таа и додава дека можеби постои варијанта која се уште не е откриена.
