Родителството е прекрасно, но исто така може да бара многу, особено во денешното модерно време. Родителите често се под стрес поради различни обврски и може да се запрашаат дали добро ја вршат работата кога станува збор за воспитувањето. Детскиот психолог и едукатор за воспитување, Џејми Блох издвојува шест навики кои добрите родители ги практикуваат за да ги потсети мајките и татковците дека успешно ги воспитуваат своите деца.
1. Им дозволувате на децата понекогаш да не успеат
„На пример, ги гледате како играат и наместо да скокнете да видете да не прават нешто погрешно со градењето или цртањето, им дозволувате да направат грешка и им помагате да ги толерираат своите чувства и да смислат како да се обидат повторно“, објаснува Блох.
2. Учите да се усогласувате со вашите деца и да знаете кога е време да се повлечете и да им дозволите да зачекорат напред
На пример, наместо родителите да ги следат децата на игралиштето, тие знаат да се повлечат, но да интервенираат кога е потребно.
3. Поставувате соодветни очекувања
Поставувањето реални цели соодветни на возраста и откажувањето од нереални очекувања е многу важно, истакнува психологот. „Треба да се откажете од очекувањата дека петгодишното дете секогаш ќе може да ги регулира своите емоции“, објаснува таа.
4. Комуницирате со децата за нивните емоции и ги поттикнувате да го прават истото
Клучно е да се создаде средина каде што децата ќе се чувствуваат како да нема да се најдат во неволја за да ги изразат своите чувства или да направат грешка.
5. Преку вашите зборови и постапки им давате до знаење на вашите деца дека вашата љубов е безусловна
Безусловна љубов е покажување љубов кон децата преку зборови и дела, дури и кога тие прават грешки или прават работи што родителите не ги одобруваат или не ги сакаат. „Вашата љубов не престанува кога ќе направат погрешна работа“, додава Блох.
6. Ги охрабрувате и поддржувате децата во развивањето на вештините за соочување
„На пример, кога вашите деца имаат големи емоции или кога вие како родители ги имате, вие ја моделирате употребата на различни начини за управување со овие чувства. Некои примери се експресивни активности, регулациски вештини како дишење или зборување и самосочувство“, посочува психологот.
