Мајки, ако размислувате да почнете да се занимавате со трчање, научниците тврдат дека жените кои родиле, без проблем би можеле да истрчаат маратон. Ново истражување на Универзитетот во Мичиген открило дека породилните болки и породувањето се најтрауматичните искуства низ кои телото може да помине, а самото породување е позаморно за телото на жената отколку трчањето со часови! Научниците анализирале снимки од магнетна резонанца од повреди настанати за време на породувањето и спортски повреди, а откриле дека последиците од породувањето се слични на повредите настанати за време на занимавање со професионален спорт.
„Кога професионална спортистка би се повредила на терен како жена на породување, лекарите веднаш ќе ја поврзат на магнетна резонанца. А сега лекарите им велат на мајките: „Поминати се шест недели од раѓањето, ќе бидете добро, не мора повеќе да доаѓате кај нас.“ Но, не сите жени се добри по тие шест недели, ниту се способни да се вратат на работа и тоа е сосема нормално, тие не се луди поради тоа“, вели Џенис Милер, професорка на U-M училиште за медицински сестри.
Опоравување од повреди
Според резултатите од истражувањето, 25 отсто од родилките имале скршеници слични на фрактури на стрес кај спортистите, 41 отсто доживеале руптура на карличните мускули, а 15 отсто имале повреди на карлицата кои никогаш не зараснале. Иако повеќето лекари велат дека закрепнувањето по вагинално раѓање трае шест недели, кај некои жени може да потрае до осум месеци или подолго.
„Не велиме дека сите жени по породувањето треба да одат на магнетна резонанца. Но, ако жената чувствува дека побавно закрепнува, има невообичаени симптоми или не е се чувствува пријатно и не може повеќе да прави Кегелови вежби, треба да посети специјалист. “, вели Милер. и додава дека повредите на карлицата може да доведат до проблеми со уринарниот систем и други проблеми.
