Родителите често се загрижени дали добро ги растат и воспитваат своите деца и дали се добри родители. Модерните мајки и татковци имаат повисоки стандарди додека ги носат своите деца во животот на возрасните. На тој пат, многу е лесно да се влезе во замка и да се споредува со други родители или да се бараат надворешни знаци на вашиот успех.
Наден Линден, работи како клинички психолог и објаснува како родителите може да знаат дали се на добар пат кои се знаците дека сте добар родител.
- Детето покажува различни емоции пред вас
Понекогаш за детето е многу тешко кога ќе се најде во многу емотивен период. Можеби некогаш ви се чини дека нема потреба детето да ги изразува сите свои емоции пред вас, но способноста на детето да ви покаже лутина, тага или страв е добар знак затоа што тоа се чувствува безбедно со вас. Мене многу ме загрижува кога детето ги крие своите чувства од своите родители. Ова често е знак на големи проблеми во односот. Обидете се да избегнете затворање на детето и не го попречувајте изразувањето на неговите чувства. Наместо тоа, обрнете внимание и бидете благодарни за тоа. “Видов како удираш во ѕид и дека беше многу лут. И ми рече дека тоа е затоа што твојата сестра не те пушта да играш”, оваа реченица му кажува на вашето дете дека можете да се справите со неговите чувства и дека ја разбирете перспективата.
- Детето ви доаѓа кога ќе се повреди или се соочува со некој проблем
Знам дека родителите прават одлична работа кога детето им се обраќа оти има одредени проблеми. Ова значи дека сте му обезбедиле безбедно прибежиште каде што доаѓа кога му треба помош. Добар начин да го охрабрите ова е да го слушате проблемот со ширум отворени раце без оглед дали проблемот изгледа мал или голем. Вашиот однос ќе биде отворен за комуникација за работи што се тешки во животот.
- Детето може да разговара за мислите и чувствата без страв
Ова е позитивен знак за прифаќање на отворен и флексибилен однос. Некои родители несвесно ја ограничуваат комуникацијата со своето дете преку нивното однесување, како што е претерано реагирање на мислите или чувствата кои не им се допаѓаат или оние што го доведуваат во прашање неговото однесување како родител.
Други родители се толку кревки што децата не сакаат да ги оптоваруваат со своите мисли и чувства. Загрижен сум кога родител ќе рече: „Моето дете е моја карпа“. Родителите се карпи, а децата никогаш не треба да бидат. Може да ги поддржувате мислите и чувствата на детето, без разлика кој сте. Ако ви треба дополнителна поддршка, сторете го тоа со возрасен, но не и со детето.
- Твојата повратна информација не е критична
Добрите родители не даваат критики за однесувањето и избегнувањето зборови како лош, зол, мрзелив, ненаситен. Ако вашето дете ги изело сите чоколадни бисквити пред да ги подели со други, добрата мајка ќе се фокусира на однесувањето. “Ги изеде сите бисквити без да ги поделиш. Во нашиот дом е важно да делиш со сестра ти и брат ти. Како мислиш дека можеш да се искупиш на своето семејство?“. Ова е многу поразлично од реченицата: “Ти си ненаситен. Оди во својата соба“.
- Ги поттикнуваш интересите и талентите на детето
Со развивање на интересот и талентите, детето развива вештини и постигнува резултати. Можете позитивно да ги ангажирате децата низ нивните тинејџерски години и раните години од животот. Прекрасно е да се напредува во нешто што се сака. Понекогаш, гледам родител кој управува со интересот на детето за да ги исполни своите соништа и потреби. Кога го принудувате дете да стори нешто за сопствен интерес, сè може да тргне наопаку, дури и кога се чини дека сè оди како што треба. Ваквите постапки можат да го натераат детето да се чувствува неуспешно и под силен притисок и контрола. Исто така, ако тоа не успее, а зад него стои нарцисоидна родителска амбиција, децата го носат товарот на разочаран родител и сопственото разочарување.
- Создавате граници за детето да биде безбедно
Добрите родители го насочуваат однесувањето на детето поставувајќи граници и ограничувања. Децата без граници и правила честопати влегуваат во неволја или се губат. Границите им помагаат да се чувствуваат сакани и ценети, дури и ако понекогаш не сакаат граници. Некои примери на добро поставени граници се: рутина за спиење и учтиво изразување кон членовите на семејството.
- Ги исправате сопствените грешки
Способноста да го поправите односот со детето е знак за добар родител. Ако викате и сте претерале со реакцијата, многу е важно да го поправите тој однос. Разговорот со детето може да ви помогне да ја решите ситуацијата, објаснувајќи му дека и вам
ви треба помош за вашите чувства. Иако е многу примамливо да барате знаци на успешно родителство во работи како што се: ниво на читање, дали јаде здрава храна, дали победува во фудбал итн., успешно родителство значи обезбедување безбедна основа за вашето дете. Тоа создава место од кое детето може да напредува. Се состои од трајна доживотна врска која не зависи од надворешните резултати, туку од љубов, почитување и поврзаност. Тоа всушност значи дека сте одличен родител.
