♦♦♦♦♦♦♦
Кога Џени Мар отишла на својот прв ултразвучен преглед со сопругот Крис Мар, во еден момент забележала чуден изглед на лицето на нејзината докторка. Секако, се загрижила дека нешто не е во ред со бебето и ја прашала докторката Лорен Мареј дали има некаков проблем.
Си помислив „О не, нема срцева акција!, а таа рече: Не, има отчукање на срцето“, се потсеќа Мар (35) од Далас, САД. Докторката продолжила: „Таму има три бебиња“. Ние бевме апсолутно шокирани!
И Џени и Крис (35) се единствени деца во семејствата и колку што знаат никој во нивните семејства досега немал четворка. Една недела подоцна, на 19 ноември 2019 година, тие биле на редовен преглед, но техничарот што го изведувал ултразвукот повторно им упатил необичен поглед.
Џени и Крис кои за првпат се најдоа во родителска улога биле изненадени кога дознале дека очекуваат идентична, спонтана четворка што е многу ретко
„Си рековме што ли се случува сега? Повторно се загриживме“, изјави Крис за „Тудеј“. Таа беше навистина симпатична, ни рече: „Не треба да ви го кажам ова, но ќе имате четири бебиња.“
За една недела од тројка стигнале до четворка.
„Бевме шокирани. Но скокањето од три на четири беше полесно да се проголта. Непосредно потоа слушнавме дека се здрави“.
Џени и Крис кои за првпат се најдоа во родителската улога биле изненадени кога дознале дека очекуваат идентична, спонтана четворка. Тоа е толку ретко што е тешко и за лекарите да кажат колку често се случувало. Д-р Мареј и нејзините колеги проценуваат дека раѓањата на идентични, спонтани четворки се случуваат 1 на 11 милиони или 1 на 15 милиони раѓања. Тие откриле само 72 такви случаи во објавената литература.
„Неверојатно е. Никогаш повторно нема да се случи во мојата кариера. И реков: „Девојче, оди купи ливчиња за лотарија…“, рече д-р Мареј, гинеколог-акушер во Texas Health Presbyterian Hospital во Далас. „Какво чудо беше“.
Породувањето започнало кога Мар била во 28,5 гестациска недела. Освен што било рано таа и сопругот биле загрижени како ќе помине породувањето со оглед на состојбата со Ковид-19 и работата на болниците по посебни протоколи.
Но, породувањето со царски рез поминало добро, а Мар, нејзиниот сопруг и нејзината мајка гледале како лекарите во болницата во Далас ги вадат бебињата едно по друго на 15 март. Прв бил Харисон, Харди бил следен, потоа Хенри и на крајот, Хадсон.
„Сите беа родени за три минути. Тоа е неверојатно“, изјави Мар.
На три од бебињата им бил потребен кислород, а сите четири останале во единицата за неонатална интензивна нега околу 10 недели. Бебињата пристигнале дома во почетокот на мај. Досега родителите добро се снаоѓаат, особено со хранењето, кое се случува на секои три часа и трае најмалку еден час додека се нахранат сите.
„Се надеваме дека нашата мала приказна и нашите момчиња ќе им донесат онолку радост на сите, колку што тие ни носат на нас“, изјавила Мар на крајот на интервјуто. (Тудеј)
