Љубовта е клучна за здрав однос помеѓу родителите и децата. Важно е родителите да покажуваат љубов кон своите деца бидејќи тоа им дава чувство на сигурност и вредност. Кога децата знаат дека се сакани без разлика на се, развиваат самодоверба и емоционална стабилност, што е важно за нивниот раст и развој. Затоа, детскиот психолог и едукатор за воспитување Џејми Блох открива четири начини на кои родителите можат да покажат љубов на своите деца.
Споделување спомени: “Ова ќе создаде чувство на припадност, важност и идентитет. На пример, можете да споделите спомени од моменти кога вашите деца биле уште бебиња, како сте ги милувале пред спиење или нивните први чекори”, посочува психологот.
Истакнување на нивните силни страни: Ова ја покажува нашата доверба во нивните способности и ја зголемува нивната самодоверба. Тоа создава и позитивно расположение во домот. „На пример, можете да кажете нешто како: „Ми се допаѓа твојот избор на бои на овој цртеж. Толку си креативен/а“, наведува Блох.
Давање комплименти: „Признајте нешто конкретно што вашето дете го направило добро или некоја позитивна особина што ја поседува. На пример: „Навистина ме импресионира како денес го реши тој проблем. И јас би сакал/а да се обидам на тој начин“, советува психологот.
Практикување афирмативни зборови: Овие можат да бидат директни афирмации како „Те сакам“ или користење нежни изрази или прекари. На пример: „Ти си толку посебен/а за мене. Сакам да бидам твој/а мајка/ татко“.
“Сите деца треба да слушнат и да знаат дека нивните родители ги сакаат. Ова е основна потреба. Зошто? Тоа доаѓа од желбата и потребата за одобрување од страна на родителите. Во одреден момент, сите ние се угледуваме на нашите родители и ги сакаме луѓето што ги сакаме да нè одобруваат. Чувството на одобрување од страна на родителите е фундаментален аспект кој е потребен за да се изгради самопочит, идентитет и чувство на сопствена вредност“, заклучува психологот.
