Вообичаено, бидејќи родителите ја користат тајм-аут техниката за дисциплинирање, како казна, одење во ќош, мислат дека прават се исправно, а детето повторно не ги слуша. Тие тогаш не гледаат разлика во однесувањето, па не веруваат дека тоа функционира. Но, според Американската академија за педијатрија (ААП), тајм-аутот е сè уште една од најпрепорачливите форми на дисциплина. Тајмаутот не секогаш функционира. Малите деца во предучилишните установи не го сфаќаат сериозно. Нема да седат мирни, нема да молчат и продолжуваат да се однесуваат лошо за време на казната и тоа е чест проблем.
Зошто на децата им е тешко да седат мирно?
Малите деца имаат свој начин тапо да гледаат во своите родители кои ги караат, поради што тие се чувствуваат како да не се во право. Тоа што тригодишно дете ги превртува очите е смешно само затоа што е толку неочекувано. Ова слатко детенце, зошто не слуша и не оди во ќош како што му се кажува, туку наместо тоа протестира, не сака да седи мирно?
Експертите велат дека децата од предучилишна возраст имаат многу мала контрола на импулсите. Делот од мозокот одговорен за вршење контрола врз емоционалниот, импулсивен дел не е ни приближно развиен кај деца на возраст под три години. Додадете го тоа на периодот на внимание од 3-6 минути и ќе имате дете кое не може да седи мирно бидејќи, искрено, не разбира целосно што треба да прави. Да се биде доследен е клучот. Родителите треба да направат список со причини поради кои се оди во ќош. Ова ќе помогне да се знае како се реагира, ако детето повторно ја направи истата лоша работа со некој друг. Ако еден ден детето отиде во ќош со причина, а следниот ден не, навистина ништо нема да разбере. Доследноста е клучна.
Дали да се присилува детето да седи мирно?
Некои родители го почитуваат правилото – колку години има детето, колку минути добива во тајм-аут. Значи, ако детето има три години, седи три минути во тајм-аут. Децата на таа возраст можат или не можат да седат мирни толку долго. Реално, три минути се долго време само да седите и да не правите ништо за некој кој постојано се движи, истражува и учи нови работи. Откако вашето дете ќе се смири, тајм-аутот ја исполнил својата цел. Ако тоа трае само 90 секунди, тогаш е готово за 90 секунди.
И децата ова го сфаќаат, по неколку пати доследна примена. Еве и зошто:
- Кажано им е зошто се во тајм-аут.
- Што се очекува во тајм-аутот.
- Како се излегува од тајм-аут.
Вежбањето на трпение е добра идеја во овој период. Децата на оваа возраст не се обидуваат намерно да им се спротивстават на своите родители. Тие едноставно немаат развој на мозокот каков што повеќето мислат дека ќе имаат. Понекогаш родителите откриваат дека нивното дете постојано станува од казна, или одвреме-навреме, им приоѓа или прави нешто друго. Во зависност од возраста на детето и целокупниот развој, ова дете веројатно не е доволно зрело за да разбере што се случува. Експертите го препорачуваат правилото од пет секунди. Ако детето може да седи мирно најмалку пет секунди во тајм-аут, тоа е добар почеток. Тајм-аутите не се наменети да траат долго. Три до четири минути треба да биде најмногу. Ако детето воопшто не може да го направи тоа, кажете му на вашиот лекар.
Пофалете ја следната добра работа
Секогаш пофалете ја следната добра работа што детето ја прави по тајм-аутот. Имајте на ум дека иако ќошот не се користи само за казнување на детето, може да се чувствува така. Повеќето возрасни не ја знаат разликата помеѓу дисциплина и казна. Затоа е важно детето точно да знае зошто добива тајм-аут. Пофалбите ги потсетуваат дека можат да прават добри работи и да донесуваат добри одлуки.
