Дијастазата е вообичаена состојба кај бремени жени и жени по породување. Се јавува кога стомачните мускули ќе се одвојат за време на бременоста од истегнување. На тој начин, стомакот може да се испакнува или да излегува со месеци или години по породувањето. Токму тоа е причината поради која најголемиот број родилки се консултираат со своите лекари.
Според Healthline, за време на бременоста, стомачните мускули и сврзното ткиво се растегнуваат поради матката, која се шири како што расте бебето. Исто така, притискањето и напонот за време на породувањето може да доведе до дијастаза.
Многу жени не се сигурни како да препознаат дека станува збор за дијастаза, но симптоми сепак постојат. Како што објаснуваат експертите, најчест симптом е испакнатината на стомакот што не исчезнува, особено кога ги напрегаме или затегнуваме стомачните мускули.
Останатите знаци вклучуваат:
- Болки во долниот дел на грбот
- Лошо држење на телото
- Запек
- Надуеност.
Понекогаш може да се појават и болки во карлицата, кои може да ја онеспособат жената да ги извршува секојдневните работи, па дури и оние наједноставните.
