Иако бременоста со себе носи некои стандардни промени, првата и втората бременост можат во многу нешта да се разликуваат.
Втората бременост може да ве измори
Се сеќавате колку енергија имавте во првата бременост? Сега, покрај самата бременост, имате и постаро дете за кое треба да се грижите. Сосема е разбирливо да се биде поуморни, на што дури влијаат и хормоните.
Породувањето може да биде сосема поинакво
Се разбира, сега знаете што ве чека и ќе ви биде полесно да се подготвите за породувањето. Сепак, породувањето не мора да биде слично на првото.
Многу порано ќе ги почувствувате движењата на бебето во стомакот
Во првата бременост, движењата на бебето обично се чувствуваат само по шеснаесеттата недела. Во втората бременост, тоа може да се случи веќе во тринаесеттата недела.
Стомакот може да се види порано и може да биде поголем
Во првата бременост, стомакот станува повидлив во вториот триместар. Меѓутоа, во втората бременост, може да се види многу порано. Експертите сметаат дека стомачните мускули малку се растегнати и не се вратени во првобитната големина.
Утринскиа мачнина може или воопшто да не постои или да е многу потешка
И ова може да биде сосема различно од првата бременост. Додека некои воопшто не ги чувствуваат, има мајки кои се чувствуваат неспоредливо потешки.
Цврстината на градите или ќе биде многу помала или воопшто нема да се појави
Со првата бременост, во повеќето случаи, градите стануваат поцврсти. Во втората бременост, многу лесно може да се случи да не почувствувате никакви промени или тие да се многу слаби.
Гадењето од храна ќе биде многу помало од првиот пат
Многу бремени жени некои намирници не можат ниту да ги помирисаат, додека кај некои се јавуваат специјални желби. Во втората бременост, овие чувства ќе бидат многу послаби.
Стомакот ќе биде поспуштен
По првата бременост, мускулите на стомакот и карлицата ослабуваат. Иако бебето можеби било високо поставено, најверојатно ќе биде пониско во втората бременост. Ова може да предизвика посилен притисок во тој предел. Кегеловите вежби можат да ви помогнат.
Постпарталните контракции можат да бидат посилни и поболни
Кога ќе родите бебе, матката мора напорно да работи за да се врати во првобитната големина. Затоа често се јавуваат болки и контракции. При првото раѓање, чувството е како менструална болка. Во втората бременост се посилни, а ќе ги чувствувате почесто за време на доењето.
Втората бременост носи со себе посилни болки во грбот
Болката во грбот е честа појава во бременоста, особено поради лачење на хормонот релаксин, кој ги опушта мускулите и лигаментите. За време на втората бременост, болката веројатно ќе биде уште посилна. Овие мускули се опуштени од претходно, така што сега дополнително ќе се опуштат.
