За најдобро воспитување не ви требаат скапи летувања или школи, наместо тоа, се се сведува на грижа и вистински вредности. Научниците од Харвард откриле како да одгледате среќни деца и што е важно.
Време за забава
Децата учат за грижата и почитувањето кога кон нив се постапува со внимание и почит, велат психолозите. Најдобро време да им пружите грижа и почитување е кога правите нешто забавно.“Ставете го заедничкото време во неделниот распоред и ништо не препуштајте на случајност“, велат истражувачите. На тој начин тоа ќе ви биде еднакво важно како и состанок на работа.
Биди добар пример
Стучњаците велат дека вашето дете учи за моралните вредности, гледајќи ве вас. Обрнете внимание на тоа дали сте искрени ,чесни и грижливи.“Никој не е совршен цело време“, додаваат тие. Вашите деца знаат дека не сте совршени или ќе знаат кога ќе дојдат во своите тинејџерски години, па затоа искористете го тоа како можност да разговарате за своите грешки со децата.
Грижа за другите
Децата нема да знаат дека грижата за другите ќе ги направи среќни, освен ако вие тоа не ги научите, велат експертите. Поставете високи морални очекувања. Резултатите сугерираат дека е важно да се создадат приоритети како што се обврски,чесност и правичност. Ако се ова го направите вие ке одгледате личност која се грижи за светот околу себе.
Охрабрете ги да велат “благодарам“
Децата треба да учат благодарност. “Многу е важно за нив да знаат дека многу луѓе допринесуваат за нив“, истакнуваат психолозите.Така ќе пораснат во великодушни личности кој знаат да помогнат, да сочувствуваат и простуваат, а воедно ќе бидат посреќни и поздрави. Помогнете му на детето да покажува благодарност во различни ситуации: вечера, возење со автомобил и сл. Истажувањето вели дека е многу важно сето ова да се повторува секој ден
Зборувајте за проблемите во светот
Многу е важно детето да размислува за својот социјален круг, семејство и приатели и да размислува за поголема слика. “Важно е детето да развие грижа за луѓето кои живеат во други култури и општества“ велат стручњаците.
Мотивирајте го да ја пронајде целта
Со вклучување во заедницата вашето дете ќе научи чесност, вероност и како да работи со други. Повеќето деца природно ги интересираат тие прашања. Вклучете го детето во решавање на проблеми со кои се занимава вашата заедница или во областа што го интересира, предлагаат стручњаците.
