Првата зима со бебето може да биде магична, но и малку стресна за новите родители. Како да знаете дали вашето мало чудо е доволно топло или, пак, премногу облечено? Стручњаците советуваат дека проверката на рачињата или нозете честопати не е најточна. Наместо тоа, вистинскиот индикатор е вратот на бебето – место каде што можете лесно да почувствувате дали му е премногу топло или студено.
Правилна температура на вратот
Д-р Ивон Густафсон, стручњак за родителство, советува: „Прстите ставете ги под вратот на бебето. Ако вратот е топол и влажен, тоа значи дека му е претопло. Ако е студен, потребно е да го затоплите.“
Колку слоеви облека се доволни?
Општото правило е да облечете едно слојче повеќе отколку што сами носите. Многу родители прават грешка кога го облекуваат бебето премногу, со желба да го заштитат од студот. Вистината е дека прекумерната облека може да биде непријатна и дури опасна.
Знаци дека бебето е премногу студено или топло
Некои од предупредувачките знаци вклучуваат:
- Студени или црвени рачиња
- Треперење
- Бледа или црвена кожа на стапалата
- Модри усни
Дополнителна заштита во количка или автомобилско седиште
Ставање на дополнително ќебе преку седиштето за автомобил може да биде корисно, се додека не го загрозува протокот на воздух. За количката, експертите препорачуваат изолација за да се намали протокот на студ, на пример со ставање парче стиропор под бебето.
Грижа за кожата во зимските месеци
Кожата на бебињата е склона кон пукање и сушење во студените денови. Редовното мачкање со лосион или хидратантни креми ќе помогне да остане мека и заштитена.
Прошетки на студен воздух
Прошетките на свеж воздух се корисни дури и кога бебето е настинато – студениот воздух може да помогне во намалување на отоците на слузницата. Сепак, многу е важно облеката на бебето да биде прилагодена на временските услови, бидејќи бебињата не можат да ја регулираат телесната температура како возрасните.
