Давањето таблет или паметен телефон на мало дете по еден час дневно може да ја намали неговата способност да го разбере светот околу себе, покажува нова студија објавена во списанието JAMA Pediatrics.
Истражувачите од Универзитетот Дрексел во Филаделфија откриле дека било која количина на време поминато пред екран, почнувајќи од една година, била поврзано со двојно поголем ризик од невообичаено сензорно однесување, како што е неможност на реакција на довикување по име.
Секој дополнителен час поминат на екран го удвојувал ризикот од подоцнежни проблеми со сензорното однесување, во споредба со децата кои не биле изложени на дигитални медиуми.
Лекарите анализирале податоци за речиси 1.500 деца земени помеѓу 2011 и 2014 година. Родителите биле прашани за нивото на изложеност на нивните деца на телевизија и филмови на возраст од 12, 18 и 24 месеци.
Екраните го зголемуваат ризикот од развој на сензорна чувствителност
Околу 11 проценти од родителите рекле дека нивното дете не гледало ТВ или ДВД на возраст од 18 месеци. Околу 48 отсто од нив рекле дека нивните деца поминуваат околу половина час на ден пред екрани, 18 отсто рекле дека нивните деца гледаат телевизија по два часа дневно, а осум отсто изјавиле дека нивните деца биле пред екрани три до пет часа на ден.
По 12 месеци, било каква изложеност на екрани била поврзана со 105 проценти поголема веројатност да се манифестираат сензорни однесувања поврзани со неуспех на соодветна реакција на надразба во нивната околина, во споредба со децата кои не поминувале време пред екран.
