Иако повеќето промени за време на бременоста се од физиолошка природа, тоа некогаш може да доведе и до патолошки последици, и зголемувањето на хормоните да предизвика проблеми со видот. Во повеќето случаи, тоа се привремени состојби кои подоцна се враќаат во нормала. Сепак, според лекарите, важно е да се знае за тие можни промени во видот, и да се препознаат знаците кои индицираат сериозни проблеми.
Промените на окото за време на бременоста се категоризираат како физиолошки (нормални и привремени) и патолошки (проблемски). Патолошките промени се всушност промени во постоечката патологија на окото, компликации или системски болести.
Доколку имате било каква состојба како глауком, висок крвен притисок или дијабетес пред бременоста, важно е да разговарате со очен лекар за тој да ги воочи промените доколку ги има.
Потемнување на кожата
Најчести физиолошки промени се зголемување на пигментацијата во делот на очите. Потемнувањето на лицето за време на бременоста, односно “трудничката маска“, хлоазма или мелизма, се развива поради засилено лачење на естриген, прогестерон и хормони кои ги стимулираат меланоцитите.
Суви очи
Бременоста може да доведе до кинење на мрежницата, што води кон суви очи. Дехидратацијата настанува поради повраќање и мачнини. Но, ова е само привремено и брзо исчезнува по породувањето. Обидете се да ја ублажите ситуацијата со некои домашни трикови:
- Пробајте со ладни или топли облоги
- Зголемете ја влажноста во домот
- Избегнувате клима и фенови
- Очите нека ви бидат чиста и редовно мијте ги со вода
- Пијте доволно течности
- Внесувајте доволно омега масни киселини
- Не носете леќи некое време
- Користете очила за сонце за заштита од ветар
Промени во диоптријата
За време на бременоста, промените на нивото на хормони може да ја променат јачината на вашите очила за гледање или контактните леќи. Иако нема потреба од голема загриженост, сепак би било добро да поразговарате со очен лекар, кој може, а и не мора да ви ја менува диоптријата.
Отечени капаци
Отеченоста околу очите е уште еден многу чест ефект на хормоналните промени. Тие може да имаат влијание на страничниот вид. Основно правило е да не го намалувате внесот на вода и да се држите до здрава исхрана, со малку натриум и кофеин. Здравите навики ќе спречат задржување на вода и подобро ќе се чувствувате.
