Педијатриските чекални се полни со деца кои кашлаат, но некои родители кашлицата не ја сфаќаат многу сериозно и не одат со децата на лекар, туку чекаат сама да помине, најчесто со помош на чаеви.
Од друга страна, некои родители на првото накашлување го носат детето на лекар. За да не бидете збунети дали треба да отидете во ординација или не, д-р Тони Хајзела дава насоки како да препознаете кашлица која бара стручна помош.
Имајте предвид дека во секој момент кога ќе се посомневате дека со вашето дете не е се вообичаено, имате прави да одите на лекар. Меѓутоа, ако забележите дека детето тешко диши или има температура, без никакво размислување упатете се во болница.
- Дали е полоша продуктивна или сува кашлица?
Ако тоа е вообичаена кашлица, тогаш не е важно која е во прашање. И двата вида може да дојдат заедно со настинка, едноствно е здодевно и не е загрижувачки. Меѓутоа, имајте на ум дека ако вашето дете исфрла слуз и ако бојата се промени, треба да посетите лекар, бидејќи вирусната инфекција лесно може да премине во бактериска.
- Кога кашлицата треба да се сфати сериозно?
Ако вашето дете при кашлањето звучи како кучешко лаење, ако кашла многу карактеристично и често, време е да отидете на лекар.
Кашлица која звучи како лаење може да биде симптом и на менингитис, а треба внимателно да следите да не се појави и осип кај детето, за што е потребно да се направат посебни анализи.
- Свирење во текот на кашлањето
Важно е да земете предвид и кога се слуша свирење во текот на кашлањето на детето.
“Свирењето секогаш не тера да помислиме на астма“, вели д-р Хајзела и додава дека тоа е знак за консултација со педијатар.
- Може ли кашлицата на моето дете да е поради бронхиолитис?
Бронхолитисот е вирусна инфекција, така што антибиотиците не ја лекуваат, но може да предизвика многу лоша општа состојба кај детето, особено ако тоа не може да внесува течности или тешко диши. Оваа состојба често е проследена со рапава кашлица, недостаток на апетит, забрзано дишење и висока температура. Доколку сте загрижени и ако вашето дете има слични симптоми, посетете лекар за да бидете сигурни што е во прашање.
- Која кашлица бара итен лекарски преглед?
Голема кашлица е нешто на што треба да се обрне внимание кај бебињата и кај децата. Притоа, може да се забележи дека овие деца звучат како возрасни кои се задишани по нападот на кашлица и се обидуваат да вратат малку воздух низ своите отечени дишни патишта.
