Според најновиот извештај на Европскиот центар за контрола и превенција на болести (ЕЦДЦ) и Светската здравствена организација (СЗО), евидентиран е зголемен број случаи на туберкулоза кај децата. Децата под 15-годишна возраст сочинуваат 4,3 отсто од новите и повторени случаи на туберкулоза во Европа, а се бележи и пораст на случаеви за 10 отсто во 2023 година.
Ова е трета година по ред како се зголемува бројот на случаи на туберкулоза кај децата, поради што СЗО да повика на итни мерки за намалување на стапката на заболување.
Симптоми на туберкулоза
Симптомите на активната туберкулоза зависат од тоа каде во телото се развиваат бактериите Mycobacterium tuberculosis. Тие најчесто се развиваат во белите дробови, а потоа се појавуваат некои од следните симптоми:
- Тешка кашлица која трае три недели или подолго
- Болка во градите
- Искашлување крв или спутум од белите дробови
Уште некои од симптомите кои може да се појават се:
- Замор или чувство на слабост
- Губење на телесна тежина
- Треперење
- Треска
- Ноќно потење
Симптоми на активна туберкулоза на други делови од телото, во зависност од тоа каде се размножуваат бактериите:
- Туберкулозата на лимфните јазли може да предизвика црвен или виолетов оток под кожата.
- Туберкулозата на бубрези може да предизвика крв во урината
- Туберкулозниот менингитис може да предизвика главоболка и конфузија
- Туберкулозната болест на ‘рбетот може да предизвика болки во грбот
- Туберкулозната болест на ларинксот може да предизвика засипнатост, пишува Центрите за контрола и превенција на болести.
Неактивна туберкулоза
Неактивната туберкулоза не предизвикува симптоми кои се вообичаени за оваа болест, но без третман може да премине во активна болест и може да се појават симптоми.
