♦♦♦♦♦♦♦
Светската здравствена организација и официјално ја прогласи заразата со коронавирус која се прошири низ целиот свет за глобална пандемија.
Одлуката ја потпиша генералниот директор на Светската здравствена организација (СЗО), Тедрос Аданом Гебрејзус, кој го објасни овој потег на прес-конференција.
„СЗО го проценува нивото на епидемија 24 часа на ден и сега сме загрижени, како од алармантната стапка на ширење, така и од интензитетот и алармантните нивоа на пропусти“, рече тој.
Во изминатите две недели бројот на случаи заразени со COVID-19 надвор од жариштето во Кина се зголеми за 13 пати, а бројот на зафатени земји се зголеми трикратно, додаде директорот на СЗО.
„Пандемијата не е збор кој се користи лесно. Тоа е збор што, ако се злоупотреби, може да предизвика неразумен страв или неоправдан страв дека битката е изгубена, што може да доведе до непотребно страдање, па и смрт“, рече Гебрејзус, објаснувајќи дека подигнувањето на нивото на алармирање не значи дека СЗО престанала со своите досегашни активности во борба против вирусот „Ковид-19“ или дека државите треба да престанат да го прават тоа што го правеле досега.
