Мојот сопруг секој ден по вечерата ги мие садовите и го сакам поради тоа. Она кое не го сакам е фактот што тој мисли дека само го прави тоа, вели мајката Холи Бејкер.
“Пак ги измив садовите“, гордо рече синоќа додека седев на трпезариската маса и им помагав на децата околу училишните задачи. “О, Боже мој, па што сега?“, му одговори мојот 10-годишен син, “мама тоа постојано го прави и по илјада пати во денот!“
И всушност, таа воопшто не била изненадена кога прочитала дека ново истражување покажува дека татковците мислат дека извршуваат повеќе домашни обврски, отколку што всушност прават.
Истражувачи од Центарот за истражување Пеј, побарале од 1.807 родители да одговорат на прашања поврзани со домашните обврски и растењето деца.
Еве што заклучиле: Иако двата родитела признале дека мајките превземаат повеќе обврски поврзани со одгледувањето на децата, татковците често мислат дека домашните работи се подолени 50:50. Но, не!
Половина од мајките во анкетата изјавиле дека работат повеќе од нивните мажи кога станува збор за домашните работи, додека само 32 проценти од татковците го потврдиле истото. Сепак, неверојатни 56 проценти од татковците рекле дека работите во домаќинството се поделени подеднакво, а само 46 проценти од мајките го потврдиле тоа.
Па, кој е во право? Жал ни е татковци, но студијата покажува (кога станува збор за кариера) дека мајките поминуваат дополнителен еден час околу згрижување на деца, а татковците дополнителен еден час на работа. Зошто е тоа така? Можеби тоа е затоа што додека мажите стануваат се подобри во извршување на својот дел физички активности како што се готвење, миење садови и играње со деца, а мајките сè уште ги превземаат работите како што е закажување и одење на лекар, возење на деца до училиште и градинка, пакување оброци… Како резултат на тоа, над 41 процент од жените велат дека родителството „им го отежнало напредувањето во кариерата“, додека истото го одговориле само 20 проценти од мажите.
