Секој родител некогаш се запрашува дали прави доволно за своето дете. Покрај сите други обврски, често имаме чувство дека семејството е тоа кое трпи и се чувствуваме лошо поради тоа.
Без оглед на тоа колку ви е животот комплициран и преполн со обврски, не треба да чувствувате вина. Иако можеби не стигате да му кажете колку го сакате, детето тоа може да го види низ разни ваши постапки. Некогаш, ако премногу им кажувате дека ги сакате, овие зброви губат на вредност.
Постојат многу начини да им ја покажете вашата љубов на децата, а ние издвојуваме неколку:
- Слушајте го детето
Ова никако не се однеува на тоа да глумите дека го слушате додека всушност правите нешто друго. Потребно е да го оставите телефонот, да го исклучите телевизорот, да се тргнете од компјутерот и да му дадете на детето простор да ви каже што сака.
- Прашајте го за мислење
Кога на детето му давате простор и можност да го искаже неговото мислење, има чувство дека е важно. Покрај тоа, вие ќе имате можност да ги слушнете идеите на детето, уверувањата, но и да добиете шанса да се поврзете со него.
- Гушнете го
Толку добри страни има во една прегратка! Прегратката елиминира стрес, го подобрува расположението, поттикнува самодоверба, гради доверба, а при тоа нуди и чувство на безбедност. Ова е вистински подарок за детето и апсолутно ќе се чувствува сакано.
- Гответе или уживајте во омиленото јадење
Ништо не вели ‘те сакам’ како храната. Обрнете внимание на она што детето сака да јаде и овозможете му го тоа задоволство. Детето ќе биде многу благодарно и среќно.
- Поминете сами одредено време
Без оглед на изборот на активности, дали готвите, се шетате или работите, важно е да имате ваше време. Детето ќе забележи дека ви е важно, така што ќе му обезбедите посебно време да се чувствува сакано со вас.
