Замислете ги овие две бебиња, и двете од исто семејство, и двете машки:
- Првото бебе е мирно и тивко, среќно си игра само. Ги набљудува сите случувања околу себе, но ретко бара внимание. Ако го оставите само, спие долго и јаде ретко.
- Второто бебе е раздразливо и плашливо. Си ги мрда рацете и нозете постојано, без разлика дали е будно или спие. Додека повеќето новороденчиња спијат по 14 часа дневно, тоа спие само 10, и се буди при најмала активност околу него. Како да е во трка да направи сè одеднаш – дури и јаде пребрзо, голта воздух и почесто треба да подждригнува.
И двете бебиња се сосема нормални и здрави. Ниту едното не е „подобро“ од другото, секако. Но, бидејќи нивните личности се многу различни, ќе бидат третирани различно уште од раѓање.
Откривање на уникатните црти на личноста
Вашето бебе ќе покаже многу уникатни црти на карактерот уште во првите недели по раѓањето. Откривањето на тие карактеристики е еден од највозбудливите делови од родителството.
Дали се многу активни и интензивни, или повеќе се мирни и бавни? Дали се срамежливи во нови ситуации, како првото капење, или уживаат во нив?
Од самиот почеток, темпераментот на вашето бебе ќе влијае врз тоа како го третирате и како се чувствувате во однос на него. Ако имавте конкретни замисли за тоа како се воспитува дете, преиспитајте ги дали се навистина во склад со карактерот на вашето бебе. Истото важи и за советите од книги, статии, или добронамерни роднини и пријатели за „правилниот начин“ на воспитување
Ќе најдете знаци на нивната личност во сè што прават – од тоа како заспиваат до тоа како плачат. Колку повеќе обрнувате внимание и соодветно реагирате на нивната уникатна личност, толку посмирен и попредвидлив ќе биде животот во месеците што следуваат.
Прерано родени и бебиња со мала родилна тежина
Додека поголемиот дел од овие рани карактерни особини се дел од наследниот состав на новороденчето, нивната појава може да се одложи ако вашето бебе е родено значително предвреме.
Прерано родените бебиња не ги изразуваат јасно своите потреби како глад, замор или непријатност како другите новороденчиња. Можат да бидат премногу чувствителни на светлина, звук и допир, што може да ги направи раздразливи и да се одвратат од контакт. Кога ќе се случи тоа, на родителот му останува да застане и да почека додека бебето не биде повторно подготвено за внимание. Со време, овие рани реакции ќе се повлечат, а природните црти на личноста ќе станат поочигледни.
Вистината е дека не постои еден правилен начин на воспитување што одговара за секое дете. Ќе треба да ги креирате своите сопствени насоки врз основа на личноста на вашето дете, вашите верувања и условите во вашето семејство
Бебињата кои при раѓање тежат помалку од 2.5 килограми, дури и ако се родени навреме, исто така може да се одзиваат помалку од другите. На почетокот може да изгледаат поспани. По неколку недели, тие „се будат“, јадат со поголем апетит, но остануваат нервозни и чувствителни на стимулации помеѓу хранењата. Таа раздразливост може да потрае додека не пораснат и не созреат повеќе.
Како да одговорите на индивидуалноста на вашето бебе
Од самиот почеток, темпераментот на вашето бебе ќе влијае врз тоа како го третирате и како се чувствувате во однос на него. Ако имавте конкретни замисли за тоа како се воспитува дете, преиспитајте ги дали се навистина во склад со карактерот на вашето бебе. Истото важи и за советите од книги, статии, или добронамерни роднини и пријатели за „правилниот начин“ на воспитување.
Вистината е – не постои еден правилен начин што одговара за секое дете. Ќе треба да ги креирате своите сопствени насоки врз основа на личноста на вашето дете, вашите верувања и условите во вашето семејство.
Најважно е да останете отворени за индивидуалноста на вашето бебе. Не обидувајте се да го вклопите во некој однапред зададен шаблон. Уникатноста на вашето бебе е негова сила – почитувајќи ја таа сила од самиот почеток, ќе помогнете да се постави најдобрата можна основа за неговата самодоверба и за топлите односи со другите. (Извор: Американска академија за педијатрија)
