Животот со токсични родители може да биде многу тежок. Често остава последици кои траат до зрелоста, како ниска самодоверба и проблеми во врските. За жал, не е секогаш лесно да се препознаат токсичните родители. Сепак, постојаното критикување, манипулацијата и емоционалната злоупотреба се некои од знаците на токсичност. Психотерапевтката Маја Ушиоко открива уште пет карактеристики на токсичните мајки.
Еве што таа издвојува.
- Таа е егоцентрична. Ги минимизира потребите и чувствата на своите деца, а разговорот за нив често го претвора во разговор за себе.
- Емотивно е нестабилна личност. Често реагира бурно и драматично.
- Ги користи децата како своја главна емоционална поддршка и со нив споделува премногу интимни детали. Очекува децата да се секогаш тука да ја слушаат и да и ги решат нејзините проблеми.
- Има потреба да ги контролира своите деца. Таа користи манипулација, создавање на чувство на вина или други начини за да го добие она што го сака од нив.
- Остро критикува. Ништо што прават децата не е правилно или доволно добро. Никогаш не ги признава ниту ги фали нивните квалитети, достигнувања и дела.
- Не почитува граници. Таа се меша во животните ситуации и избори на нејзините деца, вклучувајќи ги односите, работата, родителството итн.
“Признавањето дека односот со мајката е токсичен може да биде тешко бидејќи децата обично гледаат на своите родители како пример и се обидуваат да им ги простат грешките, без разлика на се. Затоа возрасните честопати трпат познати, но непријатни ситуации. Можеби меѓу овие знаци го препознавате однесувањето на вашата мајка. Сепак, тоа не мора да значи дека вашиот однос е токсичен. Односот станува токсичен кога одредени обрасци на однесување се толку чести што не се менуваат ниту по бројни разговори“, заклучува психотерапевтот.
