Родителите може да се сомневаат дека нивното дете е аутистично, но можеби не се сигурни на што точно треба да внимаваат. Според терапевтот Конор Мекдонах, постојат пет знаци кои можат да упатуваат на тоа дека детето е аутистично.
Тој објави видео на TikTok во кое, според сопственото искуство, ги наведува најочигледните знаци на аутизам кај малите деца на возраст од 12 до 36 месеци.
„Треба да се напомене дека обично не ги проценуваме децата додека не наполнат четири години, така што моето гледиште доаѓа од родителите кои ги пријавуваат знаците што ги забележале кога нивните деца биле на таа возраст“, истакна тој.
Терапевтот вели дека првите знаци се потешкотии во сензорната обработка. Со други зборови, аутизам би можеле да имаат деца кои силно реагираат на гласни и ненадејни звуци или на материјал на облека, на пример.
Доколку детето не покажува голем интерес за другите деца, тоа исто така може да биде и знак дека е аутистично
„Уште еден симптом може да биде постојано мавтање со рацете или постојано лулање напред-назад“, вели тој.
Како трет и најочигледен знак, Мекдонах го издвојува доцнењето во говорот.
„Очекуваме детето да почне да ги користи првите зборови на околу осум месеци, додека би требало да ги комбинира на 24 месеци“, тврди терапевтот.
Доколку детето не покажува голем интерес за другите деца, тоа исто така може да биде и знак дека е аутистично.
„На пример, ако детето не сака да си игра со други деца и повеќе би сакало да си игра само, тоа може да сигнализира аутизам. И на крајот, потешкотиите во комуникацијата може да укажат на тоа дека детето е аутистично. Ова се однесува на честа употреба на гестови како што е кимање или одмавнување со главата наместо зборување“, заклучува Мекдонах.
