Ве интересира дали вашето дете ќе биде добро во училиште и колку ќе биде интелегентно кога ќе наполни осум години? На ова прашање може да ви даде одговор едноставна игра со обично суво грозје.
Истражување објавено во Journal of Pediatrics открило дека тест со суво грозје може да предвиди дали детето ќе биде добро во училиште и каква концентрација ќе има при учењето. Универзитетот во Ворвик тестирало деца на возраст од околу 20 месеци, така што пред нив ставиле суво грозје покриено со пластична чаша. Им рекле да почекаат една минута пред да смеат да го допрат и издеат.
Резултатите од истражувањето покажале дека децата кои ги послушале упатствата и почекале пред да го изедат сувото грозје, подоцна имале подобри резултати во училипте во однос на оние деца кои веднаш посегнале за слаткото под чашата. Исто така било откриено дека децата кои се предвреме родени имале поголема шанса да го изедат сувото грозје пред дозволеното време.
Истите деца биле испрашувани кога наполниле осум години, а морале да исполнат три различни тестови. Децата кои успеале да му оддолеат на сувото грозје една минута, на возраст од осум години имале за седум бодови повисок коефициент на интелегенција од децата кои побрзале и веднаш го изеле сувото грозје. Истражувачите заклучиле дека колку децата имале полош резултат на тестот со сувото грозје, толку имале поголем ризик да имаат послаба концентрација и послаби резултати во училипте на осум годишна возраст.
“Играта со сувото грозје е лесен и ефикасен алат кој добро ја проценува самоконтролата кај малите деца, а потребни ви се само пет минути. Ова може да се користи и во клиничката пракса за да се открие ризикот кај детето за проблеми со вниманието и учењето“, вели проф. Диетер Волек, водач на истражувањето.
