Ако мислите дека негативен резултат на тестот значи дека немате коронавирус, се лажете – можеби ќе поминат денови додека инфекцијата не се појави на тестот за COVID-19.
-
Можно е да имате вирус, но да бидете негативни на тестирањето и без симптоми во раните фази на инфекцијата
Ако сакате да се тестирате поради претпазливост пред да ги посетите пријателите или семејството, треба да го имате предвид следново:
Лажни негативни резултати
Доколку, на пример, сте се заразиле вчера, а сте се тестирале денеска, веројатно тестот нема да го покаже тоа. Студија во медицинското списание „Annals of Internal Medicine“ ги испитувала лажно-негативните резултати од тестовите на луѓето кои всушност имале COVID-19.
Во студијата се проценува дека во текот на четири дена од заразата, пред обично да се појават симптомите, веројатноста да се добие неточен, негативен резултат од тестот е 100 проценти.
Една причина зошто вирусот се шири толку лесно е затоа што луѓето можат да бидат заразни без никакви симптоми. Американскиот центар за контрола и превенција на болести проценува дека 40% од инфекциите се асимптоматски, а 50% од преносите се случуваат пред да се појават симптомите
На денот кога луѓето почнале да покажуваат симптоми, според студијата, просечната стапка на лажно-негативни резултати паднала на 38 проценти.
Три дена по почетокот на симптомите, лажно негативната стапка паднала на 20 проценти.
„Потребно е време за вирусот да се реплицира во организмот до ниво кое може да се открие со тестирање“, рече Џастин Леслер, виш автор на студијата и вонреден професор по епидемиологија на Факултетот за јавно здравје „Џонс Хопкинс Блумберг“.
Може да бидете заразни и кога резултатот од тестот е негативен
„Луѓето некако се чувствуваат безбедно кога резултатите од тестот за COVID-19 се негативни, но тоа не е баш така“, рече д-р Рошел Валенски, шеф на одделот за инфективни болести во Општата болница во Масачусетс.
„Кај луѓето кои ќе се разболат од COVID-19 појавата на симптоми може да потрае и до две недели, но просечното време е околу пет дена. Генерално се смета дека сте најзаразни два дена пред и два дена потоа.“
Една причина зошто вирусот се шири толку лесно е затоа што луѓето можат да бидат заразни без никакви симптоми. Американскиот центар за контрола и превенција на болести проценува дека 40 % од инфекциите се асимптоматски, а 50 % од преносите се случуваат пред да се појават симптомите.
