Дали е во ред да се биде надвор со бебето ако температурата е висока или треба да останете во ладен дом?
Кога температурата ќе надмине 26 степени, на телото му треба повеќе да се олади, особено кога се работи за бебе. Д-р Јан Монтеги, директорка на Детската болница во Њујорк, вели дека максимално треба да се избегнува топлината.
„Не е во ред да се биде на отворено со новороденче или бебе кога е голема вруќина. Бебињата не можат да се потат, што е начин за ладење на телото, па многу лесно можат да доживеат топлотен удар, многу полесно отколку постаро дете или возрасен“, пишува „Ромпер“. Исто така, треба да се има на ум и дека бебињата побрзо дехидрираат.
Се разбира, не е можно да се престојува во затворен простор 24 часа на ден, но малите бебиња треба да се носат надвор со посебна претпазливост во лето.
„Имајте на ум дека бебињата многу порано се загреваат премногу, па затоа внимавајте на времето што го поминувате надвор“, вели педијатарот д-р Моли Бродер.
Кога сте надвор со вашето бебе, внимателно следете го за знаци на топлотна исцрпеност. „Ако на бебето му е премногу жешко, тоа ќе стане многу раздразливо или ќе стане летаргично и нема да сака да јаде или пие“, вели д-р Монтеги.
Кога ќе му стане жешко, ќе стане поспано, може да повраќа, а кожата може да му стане многу сува. „Може да добие температура. Доколку ги забележите овие знаци, веднаш побарајте лекарска помош“, вели д-р Бродер.
Кога сте надвор со вашето бебе, внимателно следете го за знаци на топлотна исцрпеност. Ако на бебето му е премногу жешко, тоа ќе стане многу раздразливо или ќе стане летаргично и нема да сака да јаде или пие
За да спречите прегревање, прочитајте ги советите за вашето бебе во текот на топлите летни денови:
Барајте сенка
Местата под сенка се идеални доколку сакате да поминувате време надвор и да не го изложувате вашето бебе на силна сончева светлина.
Облечете го бебето соодветно
Светлата облека со светла боја која не е премногу тесна ќе го разладува бебето. Најдобар материјал е памукот, а капите кои го штитат лицето и вратот се задолжителни.
Одржувајте го бебето хидрирано
„За бебиња под шест месеци, мајчиното млеко или формулата е најдобар избор, а на постарите бебиња може да им се даде голтка вода“, вели д-р Монтеги.
Користете крема за сончање само за бебиња постари од шест месеци
„Кремите за сончање не се препорачуваат за бебиња под шест месеци, што е уште една причина зошто треба да бидете на отворено со помало бебе што е можно помалку“, препорачува д-р Бродер, но вели дека не е лоша идеја да се стави малку фактор 15 на лицето на бебето, рацете и нозете ако веќе не можете да избегнете изложување на сонце.
Не покривајте ја количката или транспортерот
Најдобар начин да ја држите количката во сенка е со чадор за сонце што можете да го закачите на неа.
„Дури и лесната ткаенина може да ја подигне температурата во количката. Подобро е протокот на воздух да биде слободен“, советува д-р Бродер.
Бидете внимателни кога го носите вашето бебе
„Ако на мама или тато им е многу топло, тогаш телесната температура се пренесува на бебето“, вели д-р Монтеги, која советува и родителите и бебето да носат само еден слој лесна облека и да останат хидрирани.
Таа додава дека „можете да му помогнете на бебето така што одвреме-навреме ќе му ги испрскате рацете и стапалата со вода или да ги избришете со влажна крпа.
Ако се појави осип од сонце, оставете ја кожата да „дише“. Или можете да ја избришете иритираната кожа од сонце на вашето бебе со вода и да ја оставите да се исуши. Избегнувајте креми и лосиони кога се во прашање многу мали бебиња, само оставете ја кожата да се исуши и да го разлади телото.
