Таман сте помислиле дека нема да има нови воспитни трендови, во 2020 година стигаат нови. Наредната деценија ќе ја одбележи живот без пластика.
Студија во која учествувале 2.000 родители, покажала дека 93% од родителите планираат децата да ги учат на еколошки методи и зачувување на животната средина. Освен тоа, еколошки освестените мајки би можеле поинаку да ја планираат бременоста и животот по породувањето. Тие нема да доаѓаат на ултразвук, да пијат лекови, а тоа го нарекуваат природна бременост. Тоа планира да го направи еден процент од испитаните родители.
Родителите, според новиот тренд, ќе имаат две деца, оти сметаат дека тоа е идеален број. Таков тренд почнаа Меган Маркл и принцот Хари, кои изјавија дека таквата заедница ја сметаат за совршена.
Телевизијата и филмовите може да пднат во заборав. Имено, 58 проценти од луѓето сметаат дека играта со детето е подобра од гледањето цртани филмови или играње игри на мобилен телефон и компјутер.
Ова се трендовите на воспитување на децата во наредните 10 години:
Децата треба да се учат на активизам и екологија.Тинејџерите во Велика Британија просечно минуваат 12 часа неделно играјќи, додека оние на осум годиншна возраст тоа го прават 10 часа. Традицијата на седење и гледање телевизија се повеќе се менува со семејни и друштвени игри.
Природна бременост без ултразвук, лекови против болка и минимални лекарски прегледи. Сепак, лекарите стравуваат и предупредуваат на ризик од ваква бременост.
За да ја елиминираат стигмата околу првиот менструален циклус, родителите во САД ја слават првата менструација на своите ќерки на црвени, тематски забави.
Се поттикнуваат мајките кои работат, на работа со останатите мајки, да ги делат своите проблеми за родителството и заедно да пронаоѓаат решенија за проблемите.
Менување на пластичните играчки со дрвени, но и избегнување пелени и облека која содржи пластика. Тоа може да биде многу скапо.
Денес се популаризира правилото 20. Тоа значи секој ден родителот да одвои 20 минути да ги ислуша и да му се посвети на секое детет одделно. Така доаѓа до зближување на семејството.
Поради породувањето, мајките одат на психолог и со него ги минуваат сите трауми за тоа случување. Разговорите продолжуваат и по породувањето.
Мајките работат по дневен план и според тајминг. Точно е одредено кога се преат алишта, кога садови и кога се прави ручек. Некои тврдат дека тогаш организацијата е полесна.
Антинаталитетното движење почна, кога Хари и Меган изјавија дека ќе застанат на второ дете, оти сметаат дека така ќе ја спасат планетата. Многу родители почнаа да го следат нивниот пример.
