Добриот сон е клучен за здравјето и развојот на децата, а со воведување на одредени чаеви пред спиење, можете да му помогнете на вашето дете да се опушти, да се смири и да се подготви за квалитетен одмор. Иако е важно децата да имаат редовна рутина за спиење, консумирањето одредени билни чаеви може дополнително да го подобри квалитетот на сонот.
Многу природни чаеви имаат смирувачки својства кои му помагаат на детето полесно да заспие, ја намалуваат анксиозноста и поддржуваат релаксација пред спиење. Некои од овие опции ви ги откриваме во продолжение.
Чај од камилица
Еден од најпознатите и најприфатените чаеви за деца, но и за возрасни, пред спиење е чајот од камилица. Камилицата е позната по своите смирувачки својства и со векови се користи како природен лек за намалување на стресот, анксиозноста и несоницата.
За децата, овој чај може да биде совршена алатка за намалување на напнатоста по напорниот ден и подготовка за мирен сон. Камилицата содржи апигенин, природно соединение кое има смирувачки ефект врз мозокот, помагајќи им на децата полесно да се опуштат и да заспијат. Дополнително, камилицата може да помогне во ублажување на дигестивните пречки што децата често го доживуваат пред спиење.
Како да го подготвите? Едноставно ставете една до две лажички суви цветови од камилица во чаша врела вода, покријте и оставете да отстои пет до десет минути. Чајот можете да му го послужите на вашето дете додека не е премногу топол или да почекате целосно да се излади.
Чај од анасон
Анасонот е познат по своите смирувачки својства и се користи за ублажување на стомачни тегоби, што може да му помогне на детето да се чувствува порелаксирано пред спиење. Чајот од анасон ги намалува дигестивните тегоби и може да помогне при релаксација, што ја намалува анксиозноста и стресот. Има благо седативно дејство, што може да им помогне на децата да се релаксираат и да заспијат.
Како да го подготвите? За да направите чај од анасон, ставете една до две лажички сушен анасон во шолја врела вода и оставете го да отстои пет до седум минути. Послужете разладено и без додавање шеќер. Чајот од анасон е безбеден за децата во мали количини, но секогаш е добра идеја да се консултирате со педијатар пред да внесете било каков билен чај во исхраната на вашето дете.
Чај од камилица и нане
Комбинацијата од камилица и нане може да биде полн погодок за децата кои имаат проблеми со несоница или анксиозност пред спиење. Овој чај ги комбинира смирувачките ефекти на камилицата со освежителните својства на нането, создавајќи чај кој релаксира и смирува, а истовремено помага и за ублажување на дигестивните нарушувања.
Овие чаеви во комбинација им овозможуваат на децата да се смират, ослободувајќи ја напнатоста, стресот и дигестивните нарушувања. Ова е исклучително корисно за децата кои имаат проблем лесно да заспијат поради анксиозност или непријатност.
Како да го подготвите? Измешајте една лажичка сушена камилица и една лажичка суво нане во чаша врела вода. Оставете го да отстои пет до седум минути и послужете.
Меѓутоа, пред да изберете кој било вид чај, советуваме да за секој случај пред одлукаѕа да разговарате со вашиот педијатар.
