Колку мајката и да сакала и да се подготвувала за доење, може да се соочи со бројни проблеми, и постојат ситуации кога во исхраната на новороденчето мора да се воведе адаптирана млечна формула. Но, тоа не треба да ги загрижува младите мајки, оти воведувањето на дохрана не мора да значи дека деновите на доење се одбројани.
Во кои се ситуации, покрај доењето, е потребно да се воведе и млечна формула? Еве што велат лекарите и советници за доење.
- Кога мајката нема доволно млеко
Ако од некоја причина имате проблем со воспоставувањето лактација, производството на млеко може да биде проблем. Но, кога и се е во ред, некои мајки немаат доволна количина млеко за бебето. Лекарите во таквите ситуации им советуваат на мајките, да покрај доењето, и се измолзуваат, за да поттикнат производство на млеко, но и на бебето, привремено му дадат млечна формула.
- Кога постои проблем со измолзувањето
Уште пред породувањето, секоја мајка треба да се информира за начинот на доење и измолзување, за да по породувањето не се соочи со проблем.
- Кога ви е потребно повеќе сон
Многу родилки се соочуваат со депресија која може да влијае на често будење во текот на ноќта и да го поремети сонот. Лекарите советуваат, за да го сочуваат своето ментално здравје, мајките да се наспијат барем една ноќ, и да го замолат партнерот да го нахрани бебето со млечна формула. Освен тоа, бебето веројатно и подолго ќе спие, со оглед дека млечната формула побавно се вари од мајчиното млеко.
