Како да се воспита дете кое пред се ќе биде задоволно со себеси, кое во животот ќе има квалитетни односи, но и кое ќе стане успешно и креативно, веројатно е цел на секој родител.
Очигледно тајната лежи во балансот на некои од воспитните методи кои се практикуваат од секогаш. Маргот Махол Бисноу, тренер за родителство, додека ја пишувала својата книга Како да се воспита успешно дете, разговарала до 70 родители кои успеале да воспитаат успешни возрасни луѓе за тоа како им помогнале на своите деца да ги остварат своите соништа.
Тоа беше исклучително разновидна група родители – од различни раси, религии, приходи, семејни структури и образование. А заедничката образовна алка на сите нив беше „родителството со почит“.
Родителството со почитување, понекогаш наречено и “мудро родителство“, вклучува поставување стандарди и строги правила (на пр. трошење само заработени пари) со почитување на изборот на децата (на пр. дозволувајќи им да ги изберат своите активности после училиште).
Што е родителство со почит?
Зошто било кој родител би му дозволил на мало дете само да одлучува? Многу е полесно да се интервенира пред вашето дете да направи нешто што вам ви звучи како лоша идеја.
Но, родителите кои ја почитуваат индивидуалноста не се обидуваат да им ги диктираат на своите деца нивните интереси или начинот на кој тие ќе се изразуваат.
За разлика од популарните стилови на родителство, како што е попустливото родителство или авторитарното родителство, каде комуникацијата е еднонасочна и не се земаат предвид емоционалните потреби на детето, родителството со почит подразбира дека децата се гледаат како независни, рационални суштества.
- Цврста структура
- Дозволете им на децата сами да изберат, се додека одговорно ги решаваат своите задачи.
- Укажете им на нивниот потенцијал.
- Очекувајте од нив да ги ивршуваат своите задачи, дури и ако тоа им е тешко.
- Поддршка
- Дајте им на децата право на сопствено мислење.
- Почитувајте ја нивната приватност.
- Немојте постојано да ги корегирате и критикувате.
- Љубов и топла семејна средина
- Дајте им до знаење на децата дека можат да ви се обратат за помош.
- Поминете квалитетно време со нив.
- Организирајте заеднички активности кои вклучуваат сочувство и помагање на другите.
