Поаѓањето во градинка е стресно за детето, но и за родителите. Секако, на заминувањето на детето во градинка не треба да се гледа како на некаква драма – дури и да има некои ситни потешкотии на почетокот, децата се приспособливи и со текот на времето се навикнуваат на новата средина.
Во зависност од карактерот, но и возраста, некои деца се поподготвени од другите да тргнат во градинка, а не е лошо да се внимава на знаците кои укажуваат дека детето не е подготвено за оваа промена.
1. Детето поминува време со мајката 24/7
Сосема е нормално детето поголемиот дел од времето да го поминува со својата мајка и, во краен случај, тоа е исто така важно за неговата благосостојба. Меѓутоа, ако детето воопшто не се одвојува од мајка си, тогаш важно е пред да започне во градинка постепено да се навикнува на фактот дека мајка му нема да биде со него секоја секунда.
Значи, ако ова е вашата ситуација, подобро би било да почнете да го учите детето да си игра само во собата – секако, обиколете го или надгледувајте го преку монитор за бебиња, во зависност од тоа колку години има малото. Исто така, доколку имате можност, нека детето понекогаш поминува малку време со баба, дедо, тато, тетка… за да се навикне да биде одвоено од вас.
Ако ни тоа не помогне и детето не може да се одвои од вас, веројатно не е подготвено ниту да оди во градинка.
2. Чувствително дете
Некои деца се почувствителни од другите, а оние кои се исклучително чувствителни придаваат големо значење на сè. Во оваа смисла, ако воспитачката му даде играчка на таквото дете, тоа веднаш ќе ја гледа како негова пријателка, но ако случајно го искара, ќе стане лоша личност за него.
Чувствителните деца можат да одат во градинка, но не е лошо да им се спомене оваа карактеристика на воспитувачите. Најдобрата опција – што не е секогаш можно – е да се почека детето да созрее и малку да зајакне.
3. Дете со проблеми со говорот
Некои деца почнуваат да зборуваат подоцна од другите, а градинката може да биде малку непријатна за нив. Ако ова е и ваш случај, можете да работите со детето за да му помогнете подобро да зборува, а доколку е потребно, можете да контактирате и со стручно лице за помош.
На овој начин детето ќе научи подобро да комуницира и ќе стекне самодоверба, па затоа останувањето во градинка и дружењето со другите деца ќе му биде полесно.
Ако вашето дете покажува некои од овие знаци дека не е подготвено за градинка, не очајувајте. Ако ви дозволуваат околностите, размислете да ја одложите градинката, но не се обвинувајте себеси и ако детето да почне да оди во градинка од разни причини – можеби на почетокот ќе има некои потешкотии, но со текот на времето ќе се навикне, како и сите деца.
