Алекс Хауард е терапевт и автор на литература која првенствено се занимава со трауми од детството. Како што објави неодамна на социјалните мрежи, во својата пракса се почесто среќава возрасни луѓе кои често не се ни свесни дека имале токсични родители. Притоа, тој објаснува дека постојат одредени знаци благодарение на кои можеме да препознаеме дека се работи за родител кој се однесува на токсичен начин.
Д-р Хауард наведува дека најголемиот показател дека родителот е токсичен е постојаната потреба се да се врти околу него и неговите желби или потреби. Без оглед на тоа како се чувствува детето, токсичните родители секогаш ќе ги ставаат сопствените потреби на прво место.
Втор знак што покажува дека некој е токсичен родител е тоа што секогаш е во состојба да извртува одредена ситуација, проблем или чувства на своите деца. Имено, ваквите родители се обидуваат, а најчесто преку емоционална манипулација, да го убедат своето дете дека неговиот начин на размислување е погрешен, а начинот на кој размислува родителот е единствениот правилен.
И третиот знак на токсичен родител е недостатокот на какви било граници. Кога нивното дете вели „не“, овие родители не го гледаат тоа како граница или одбивање, туку како можност да го убедат детето дека сепак треба да се согласи со она што го побарале од нив. Тие не го почитуваат мислењето на своите деца, туку само своето го гледаат како точно.
