Малите деца се природно љубопитни – допираат, истражуваат и постојано тестираат граници. Иако нивната љубопитност е слатка, понекогаш е тешко да им објасните зошто одредени работи не смеат да се допираат. Често едноставно „не“ не е доволно.
Трик што навистина функционира
Kреаторкa на социјалните мрежи Келси Померој предлага едноставен, но многу ефективен трик: да се користи зборот „работи“ (working) за предметите кои треба да останат недопирливи. На овој начин, децата сфаќаат дека некои работи имаат „работа“ да ја завршат и дека не треба да се мешаат во тоа.
„Јас го користам овој израз секоја недела дома и резултира со многу добри разговори за тоа каква е целта на одредени предмети“, објаснува Померој.
„Им велам дека некои камења се ‘работни камења’, или цветови, или копчиња, кога сакам да останат недопирливи.“
Примери од секојдневието
- Камења на патеката – не се за играње, затоа што „имаат работа да ја завршат“.
- Цветови во ботаничка градина – се „работни цветови“ и не се за берење.
- Сервисно куче – објаснување дека кучето има работа и не смее да се вознемирува.
Овој пристап не само што поставува граници, туку и поттикнува дијалог и љубопитност. Децата полесно разбираат разлика помеѓу тоа што е дозволено и што не е.
Зошто функционира
Померој открила дека идејата потекнала од објаснување за сервисно куче на нејзиниот син. „Кога му реков дека кучето е ‘работно куче’, веднаш сфати разлика помеѓу куче за работа и миленик. Потоа ја применив оваа техника и на други работи – и навистина функционира магично!“
