Една студија на холандски лекари покажала дека бремените жени кои консумирале поголеми количини на витамин Б12 за време на бременоста, имале и до осум пати помирни бебиња во првите месеци по породувањето. Тимот стручњаци го мерел нивото на Б12 кај над 3000 жени за време на првиот пренатален преглед, во третиот месец од бременоста. По породувањето, родителите мереле колку често нивните бебиња плачеле и се буделе.
Истражувањето покажало дека бебињата, чии мајки имале повисоко ниво на овој витамин, биле помирни и тоа многу повеќе во споредба со другите бебиња.
Научниците веруваат дека витаминот Б12 влијае на продукцијата на миелин, ткиво кое ги штити нервните клетки во текот на развојот на бебето. Помало ниво на ваквото ткиво влијае на нервоза. Исто така, можно е овој витамин да е поврзан и со циклусот на спиење, а пониското ниво го забавува лачењето на мелатонин – хормон на сонот.
Витаминот Б12 најмногу се наоѓа во рибата, млечните производи, јајцата и месото.
