Сепса или труење на крвта е состојба опасна по живот која, за жал, многу често се препознава предоцна. Сепак, постојат симптоми кои јасно може да укажат дека детето има сепса, тврди медицинската сестра Сара, која со колешката Кејси, го води профилот на Инстаграм CPR Kids.
Во најновото видео таа сподели неколку можни предупредувачки знаци дека детето има сепса, за што е потребна итна медицинска интервенција.
Како што наведува, кај децата често се јавуваат следниве симптоми кои може да укажуваат на сепса:
- болки во мускулите и чувство на немир,
- проблеми со дишењето (забрзано дишење, отежнато дишење),
- сина или бледа кожа,
- проблеми со спиењето, замор, несоница,
- летаргија (тромост),
- ладна кожа,
- конвулзии,
- осип кој не поминува со притисок врз кожата.
- температура (температура над 38 C кај бебиња под три месеци; температура над 39 C кај бебиња на возраст од три до шест месеци; секоја висока температура кај дете кое не може да се поттикне да покаже интерес за ништо; ниска температура – под 36 C – проверете три пати во период од 10 минути).
