Бременоста со себе носи одредени промени во телото и организмот, а исто така потребно е да се направат и одредени гинеколошки прегледи и брисови на самиот почеток на бременоста за да се открие дали е се во ред.
Цервикалните брисови служат за да се утврди здравјето и состојбата на цервиксот, односно грлото на матката. Цервикалните брисови во бременоста може да откријат аеробни и анаеробни бактерии. Исто така може да се откријат и високоризични типови ХПВ или полови болести, како и кандидијаза.
Како изгледа земањето цервикални брисови?
Цервикалните брисови се земаат на гинеколошки преглед и постапката не е болна, иако може да биде малку непријатна. Брисот се зема со стапче кое на врвот има памук, а самата постапка е иста како земањето пап-тест. Прво се поставува спекулум и потоа со стапчето се зема примерок од грлото на матката. Потоа стапчето се става во стерилна еперувета во која се наоѓа хранлива подлога и се испраќа на анализа во лабораторија.
Зошто се важни цервикалните брисови во бременоста?
Кај цервикалните брисови се зема примерок од ткивото на грлото на матката, и меѓу другото, се испитува присуството на одредени, високоризични типови на ХПВ. Доколку се открие некој тип на ХПВ, потребни се дополнителни тестови. Цервикалните брисови се всушност тестови кои помагаат навремено да се открие ракот. Исто така, со овие брисови можат да се открие и присуство на аеробни бактерии, вклучувајќи стрептокок од групата Б, попознат како BHS-B. Оваа бактерија треба навреме да се открие во текот на бременоста и да се лекува со антибиотици за да не влијае на бебето. Поточно, бактеријата може да се прошири на детето преку плацентата и да предизвика воспаление на белите дробови и респираторен дистрес синдром или менингитис.
Дали секогаш се прават цервикални брисови во бременоста?
Најчесто цервикаланите брисови, кога е во прашање рутинска проверка, не се прават во бременоста поради промените во хормоните, резултатите од брисовите може потешко да се прочитаат, а потоа се препорачува самиот брис да се направи три месеци по породувањето.
Од друга страна, кога бремената жена има одредени симптоми како крварење или иритација, индикации за полови болести, одредени претходни дијагнози или кога резултатите од пап-тестот не се добри, односно покажуваат абнормалности, ќе биде потребно да се направат и цервикални брисови. Најдобро е да се направат помеѓу третиор и шестиот месец од бременоста.
Цервикалните брисови во бременоста се важни и при сомнеж за полова болест. На пример, кога кламидијата не се третира може да доведе до воспалително карлично заболување, како и до предвремено породување или до спонтан абортус.
