Прекрасна галерија од фотографии од бременоста, породувањето и постпородилниот период донесе овогодинешниот избор во организација на заедницата на фотографи ширум светот.
Секоја година, меѓународната асоцијација на професионални фотографи за породување (IAPBP) организира светски избор на најдобри фотографии од породувања ширум светот. Нивното здружение брои повеќе од 1.200 членови од 42 земји, а како и секогаш – овогодинешните фотографии се важен потсетник за чудото на породувањето и неверојатната сила на сите жени.
Жирито наградените фотографии ги подели во шест категории: најдобра фотографија во сите категории, детали од породување, породување, породилни болки, по породување и тешкотии и загуба.
Вкупниот победник е фотографијата дело на Анемари Фукел од Германија. Најдобрата фотографија што ја избра жирито во категоријата „Породилни болки“ е на Џесика Иннеми од Холандија. Најдобрата фотографија што ја избра жирито во категоријата „Детали од породување“ е „Будење на изгрејсонце“ на Паула Белтрао од Бразил.
Најдобрата фотографија избрана од жирито во категоријата „Породување“ е на Мери Белиз од Америка. Најдобрата фотографија избрана од жирито во категоријата „По породувањето“ е „The Lovers After“ на Натали Бродерс од Америка.
Најдобрата фотографија избрана од жирито во категоријата „Тешкотии и загуба“ е „Ноевата арка“ на Ебони Анкинс од Австралија.
