Рачното запишување на нови информации му помага на мозокот да ги памети работите поефикасно отколку кога ги внесувате преку уред – покажува истражувањето кое е во спротивност со вообичаеното поврзување на дигитализацијата со напредокот.
„Покажуваме дека кај пишувањето со рака, обрасците на поврзување во мозокот се далеку посложени отколку кај пишувањето на тастатура“, изјави Одри ван дер Мер од Норвешкиот универзитет за наука и технологија, коавторка на студијата, објавена во списанието Frontiers in Psychology.
Научниците повикуваат децата да бидат изложени на активности со пишување со рака во училиште, со цел на мозокот да му се овозможат оптимални услови за учење
„Познато е дека таквата опсежна активност на поврзување во мозокот е клучна за формирање на меморијата и кодирање на нови информации, па затоа е корисна за учењето“, објасни Ван дер Мер по тестирањето на 36 ученици.
Моливот и хартијата, како и училишните табли за пишување со креда, сè повеќе се заменуваат со екрани во училиштата и на универзитетите ширум светот, што е погрешна насока и би можело негативно да влијае врз учењето, пишуваат научниците.
Тие повикуваат децата „да бидат изложени на активности со пишување со рака во училиште, со цел на мозокот да му се овозможат оптимални услови за учење“.
